Wir Iohann etc. bekennen etc. daz wir angesehen haben getruwe fliszige vnd kuntliche dinste die vns vnd vnserm stiffte der erwirdige in got her Iohan bischoff zu Sliswig vnser lieber heymlicher vnde getruwer dicke schinberlich vnd mit gantzen ernste vnde flisze getan hait/ vnd furbaszer tun sal vnd mag inn kunfftigen ziiten/ darumb vnd von besundern gnaden vnd g{ue}nste/ so haben wir yme vnser vnd sine lebetage vz. vnser slosz Frauwenstein mit allen sinen zugehorungen wyngarten eckern wyesen vnd allen andern nutzen renten vnd gefellen/ vszgescheiden des fischwaszers mit sinen n{ue}tzen vnser vnd vnsers stifftes friheid vnd herlichkeit zu eyner wonunge/ vnd sesze geben vnd verschreiben geben vnde verschreiben yme daz geinwurtlich in crafft dieszes briefs also daz er vnser vnd sine lebetage vz dar in wonen sich des vnde der vorgenanten zugehorungen nach allen syme besten vnde n{ue}tzlichesten gebr{ue}chen vnd der geniszen mag als abe daz sin eigen were/ ane alle vnser vnd s{ue}st eins itlichin. intrag widdersproche hindernisse vnd ane alle geuerde/ ♦ Des zu urkunde etc. ♦ Datum ut supra ¹