Ik Albert Anderssone, ridder, vnde Elsebe min hus[v]rawe ¹ hern Henninghes dochter van Pudtbutzke ridders , [d]eme got gnedich si, wy bekennen vor vns vnde vnse [e]rfnamen, dat wy vns gantz ghescheden hebben myt [g]reue Lodevighe van Euerstene vnde heren to Neugar[den] , vnde vrawe Eufemyen, des suluen hern Henninghes [d]ochter, sine husvrawen, vnde ere rechten erfnamen, vmme [a]lle eres vader erue vnde moder erue, dat se en ghe[er]uet hebben in deme vorstendome tho Ruyen, also dat [w]y nenerleye tosakinghe edder maninghe hebben scholen [to] den vorscreuen greue Lodevyghe vnde vrawe Eufe[mi]en sine husvrawen hern Hennynghes dochter vnde ere [er]fnamen. ♦ Vortmer so scal ik Albert Anderssone [v]nde Elselbe myn husvrawe vorbenomed, vnde vnse [e]rfnamen den vorscreuen greue Lodevich vnde vrawe [E]ufemyen , sine husvrawen, vnde ere erfnamen notlos [v]nde schadeslos holden van aller schuld, dede vorbeno[m]ede her Hennyng van Pudbutzke leuet ² heft in deme [v]orstendome to Ruyen, vnd dar also notlos vnde schade[l]os af holden vor alle de ghene, de vor recht komen wil[l]en, dat se dar nenen schaden af en nemen. ♦ To ener [g]roteren betüchnisse vnde merer bewaringhe willen [d]eser vorscreuen dingh so hebbe ik Albert Anderssone rid[der] vnd Elselbe myn hus<v>rawe ³ vorbenomet vnse inghe[se]ghele vor desen bref ghehenghet. ♦ De gheuen vnde screuen is to dem Sunde, na godes bort verteynhundert iar i[n] deme ersten iare, in dem achtendaghe der hilghen dryer koninghe.