Marinus miseracione diuina sancte Marienoue diaconus cardinalis/ domini pape camerarius/ uniuersis et singulis reuerendis in Christo patribus dominis .. eadem miseracione patriarchis archiepiscopis episcopis electis eorumque uicariis et officialibus/ necnon uenerabilibus et religiosis uiris .. abbatibus prioribus prepositis decanis archidiaconis thesaurariis canonicis et guardianis seu prioribus archipresbiteris uicariis capellanis et aliis quarumcunque ecclesiarum ac monasteriorum aliorum religiosorum prelatis capitulis et ceteris personis ecclesiasticis ac conuentibus quorumcunque ordinum exemptorum et non exemptorum Cisterciensis Cluniacensis Premonstratensis Cartusiensis ¹ Grandimontensis Camaldulensis Uallisumbrose Humiliatorum sanctorum Benedicti. et Augustini et Augustinensis et aliorum ordinum magistris prioribus ac preceptoribus hospitalium sancti Iohannis Ierosolimitani/ beate Marie Theutonicorum Caluariensis sancti Lazari sancti Iacobi et aliarum ecclesiarum et monasteriorum prelatis/ necnon inquisitoribus heretice prauitatis iusticiariis auditoribus officialibus et uicariis conseruatoribus capitaneis seu bayulis/ aliisque officialibus quibuscunque ordinariis et extraordinariis delegatis subdelegatis quacunque auctoritate deputatis ac omnibus aliis et singulis/ cuiuscunque gradus status seu ordinis/ condicionis dignitatis potestatis uel auctoritatis existant aut quocunque nomine censeantur/ ad cuius seu quorum noticiam presens noster processus seu presentes nostre littere peruenerint in quibuscunque terris constitutis ac eorum cuilibet\ salutem in domino et mandatis nostris ymmo uerius apostolicis firmiter obedire ♦ Dudum felicis recordacionis domini\ Iohannes uicesimus secundus/ et deinde Clemens sextus eius successor Romani pontifices capellanos honoris domini pape et sedis apostolice qui erant et essent pro tempore a foro et iurisdiccione quorumcunque ordinariorum ecclesiasticorum et secularium preterquam Romanorum pontificum seu sui camerarii/ qui erat seu esset in futurum exemerunt et inhibuerunt sub interdicti suspensionis ac excommunicacionis sentenciis/ ne quis eorum in dictos capellanos aliquam exercerent iurisdiccionem/ seu eos contra formam exempcionum et priuilegiorum apostolicorum per dictos Romanos pontifices eis ² concessorum molestarent/ decernendo irritum et inane si secus super hiis a quoquam quauis auctoritate scienter uel ignoranter contigerit attemptari prout hec et alia seriosius in litteris apostolicis seu constitucionibus per dictos summos pontifices confectis plenius continetur/ ♦ Cum autem ad nos racione camerariatus nostri officii spectet dictos capellanos in dictis sic eis concessis auctoritate apostolica exempcionibus conseruare eosque in illis defendere et tueri/ de mandato ³ sanctissimi domini nostri pape nobis facto oraculo uiue uocis/ uobis dominis .. patriarchis archiepiscopis episcopis electis abbatibus prioribus prepositis decanis archidiaconis inquisitoribus guardianis seu prioribus quorumcunque religiosorum iudicibus uicariis seu bayulis conseruatoribus et aliis uniuersis et singulis supradictis exempciones et priuilegia apostolica ac omnia et singula in eis contenta per dictos Romanos pontifices concessa prefatis capellanis honoris domini nostri pape et sedis apostolice qui erant et essent pro tempore intimantes et ad uestram et cuiuslibet uestrum noticiam plenariam deducentes quod uenerabilis uir magister Bartholomeus de Gallis de Cermenate in sacra theologia et predicacionibus eruditus rector parrochialis ecclesie sancti Iacobi Cumane est capellanus honoris ipsius domini nostri pape et aliorum capellanorum similium consorcio aggregatus uosque uniuersos et singulos auctoritate apostolica nobis in hac parte commissa tenore presencium requirimus et monemus/ primo secundo tercio et peremptorie communiter et ⁴ diuisim uobisque nichilominus omnibus et cuilibet uestrum in uirtute sancte obediencie et sub penis infrascriptis districte precipiendo mandamus inhibentes expresse ne contra dictum magistrum Bartholomeum capellanum dicti domini nostri pape citando monendo interdicendo suspendendo excommunicando uel alias censuras ecclesiasticas in eum exercendo uel sentencias aliquas inferendo quocunque colore quesito/ contra predictarum litterarum apostolicarum et indult ⁵ <o>rum in eis contentorum tenorem quomodolibet per uos uel alium seu alios directe uel indirecte publice uel occulte procedatis seu procedere presumatis/ decernentes prout est per dictum dominum nostrum papam decretum in dictis litteris apostolicis irritum et inane/ quicquid contra monicionem et presens mandatum nostrum ymmo uerius. apostolicum per uos uel aliquem uestrum aut quemcunque alium contra dictum magistrum Bartholomeum dicti domini nostri pape capellanum forsan hactenus attemptatum est uel imposterum contigerit attemptari/ ♦ Quod si forte uos uel quicunque uestrum/ aut quiuis alius specialiter uel generaliter communiter uel diuisim auctoritate quacunque/ et quocunque nomine censeantur/ contra dictum magistrum Bartholomeum dicti domini nostri pape capellanum aliquid feceritis uel procuraueritis uel nomine aut mandato uestro/ aut alias per se feceritis aut presumpseritis uel presumpserint attemptare/ ipsum citando monendo interdicendo suspendendo excommunicando ut superius est expressum uel ad iudicium coram uobis quomodolibet euocando uel alias inquietando seu perturbando per uos uel alium seu alios/ publice uel occulte directe uel indirecte aliqua occasione uel causa seu euocantibus et perturbantibus in aliquo dederitis uel dederint auxilium consilium uel fauorem/ uel si inhibicionibus et mandatis nostris huiusmodi ymmo potius apostolicis non parueritis seu paruerint cum effectu/ aut si omnia et singula per uos uel quemcunque uestrum seu quemuis alium facta et attemptata contra dictum magistrum Bartholomeum dicti domini nostri pape capellanum causa uel occasione quacunque si infra trium dierum spacium postquam noticiam habueritis predictorum/ seu post insinuacionem et notificacionem presencium uobis factam communiter uel diuisim/ quorum trium dierum unum pro primo/ unum pro secundo/ et reliqum pro tercio et peremptorio termino ac monicione canonica assignamus non reuocaueritis aut reuocauerint cum effectu/ uel ipsum magistrum Bartholomeum dicti ⁶ domini nostri pape capellanum in pace et quiete non permiseritis eum nullatenus molestando ut superius est expressum/ nos in uos omnes et singulos supradictos et alios quoscunque cuiuscunque status gradus ordinis ⁷ uel condicionis existant uel extiterint uel qui plene monicionibus et mandatis. nostris huiusmodi ymmo uerius apostolicis in hac parte non parueritis seu paruerint cum effectu necnon in .. contradictores. quoslibet et rebelles exnunc prout extunc ⁸ singulariter in singulos excommunicacionis in capitula uero. collegia et conuentus ecclesiarum monasteriorum quorumcunque religiosorum exemptorum et non exemptorum suspensionis et in ipsis ecclesiis monasteriis et locis auctoritate apostolica nobis in hac parte commissa predicta canonica monicione premissa in hiis scriptis interdicti sentencias promulgamus. ♦ Uobis uero dominis patriarchis archiepiscopis et episcopis ut dignitati uestre deferamus ut decet ob reuerenciam uestri status si contra premissa uel eorum aliquid/ uos uel aliquis uestrum feceritis aut facientibus dederitis aut dari permiseritis auxilium consilium uel fauorem publice uel occulte in hiis scriptis/ uos omnes et singulos suspendimus a diuinis/. ♦ Quod si per quatuor dies huiusmodi suspensionem sustinueritis/ subsequenter uobis ingressum ecclesie interdicimus in hiis scriptis/. ♦ Si uero suspensionis et interdicti sentencias huiusmodi animo sustinueritis quod absit indurato/ per alios quatuor dies/ prefatos quatuor dies inmediate sequentes in uos omnes alios et singulos cuiuscunque status gradus ordinis uel condicionis existant in hiis scriptis auctoritate apostolica/ dicta canonica monicione premissa excommunicacionis sentencias ferimus ac eciam promulgamus/ ♦ Ceterum quia graue nimium posset existere dicto magistro Bartholomeo dicti domini nostri pape capellano ad nos in singulis actibus habere recursum/. uniuersis et singulis .. abbatibus prioribus prepositis decanis archidiaconis parrochialium ecclesiarum rectoribus/ uicariis perpetuis et notariis publicis ubilibet constitutis ac omnibus aliis et singulis qui pro parte dicti magistri Bartholomei fuerint requisiti et eorum cuilibet insolidum/ tenore presencium super premissis et ea tangentibus committimus uices nostras donec eas ad nos duxerimus reuocandas quibus et eorum cuilibet in uirtute sancte obediencie/ et sub excommunicacionis pena quam in eos et eorum quemlibet mandatis nostris huiusmodi ymmo uerius apostolicis non parentes canonica monicione premissa ferimus in hiis scriptis auctoritate apostolica precipimus et mandamus/ quatinus prefatas exempciones sic ut premittitur per supradictos summos pontifices capellanis honoris domini pape concessas ⁹ / ac omnia et singula in priuilegiis apostolicis dictorum summorum pontificum super hoc concessis contenta ¹⁰ et nostros processus huiusmodi uobis et uestrum cuilibet intiment et fideliter publicare procurent/ ac in eorum ecclesiis et alibi prout fuerint requisiti publicent et promulgent eaque faciant inuiolabiliter obseruari/ non permittentes dictum magistrum Bartholomeum dicti domini nostri pape capellanum aliquibus casibus uel quouis modo per quoscunque iudices seu inquisitores contra predictarum litterarum apostolicarum et nostrorum processuum presencium tenorem quomodolibet molestari/ contra inobedientes mandatis nostris ymmo uerius apostolicis et contenta in eis non seruantes uel non exequentes per censuram ecclesiasticam et alia iuris remedia procedentes iuxta traditam a sede apostolica nobis formam/ ita tamen quod in preiudicium dicti magistri Bartholomei nichil ualeant attemptare nec in processibus per nos habitis et sentenciis per nos latis absoluendo uel suspendendo aliquid immutare/ ♦ In ceteris autem que eidem magistro Bartholomeo nocere possent ipsis et quibuslibet aliis potestatem omnimodam denegamus/ prefatas quoque litteras apostolicas et hunc nostrum processum uolumus penes eundem magistrum Bartholomeum remanere/ et non per aliquem contra ipsius uoluntatem quomodolibet detineri/ ♦ Contrariter uero facientes prefatis sentenciis prout in scriptis late sunt predicta canonica monicione premissa uolumus subiacere ♦ Mandamus tamen uobis copiam fieri de premissis si eam petieritis et habere uolueritis uestris tamen sumptibus et expensis/. absolucionem omnium et singulorum qui prefatas sentencias aut earum aliquam quouis modo incurrerint nobis uel superiori nostro tantummodo reseruantes/ ♦ Et si contingat nos super premissis in aliquo procedere/ de quo nobis potestatem omnimodam reseruamus/ non intendimus propterea commissionem nostram huiusmodi in aliquo reuocare nisi de reuocacione ipsa specialiter mentionem in nostris litteris faceremus/. ♦ In quorum testimonium presentes litteras fieri et sigilli nostri camerariatus officii iussimus appensione muniri/ ♦ Datum Ianue sub anno domini millesimo trecentesimo octuagesimo sexto/ indictione nona die nona mensis februarii pontificatus sanctissimi in Christo patris et domini nostri domini Urbani diuina prouidencia pape sexti anno octauo. ♦ ..... ♦ Item similis processus fuit factus pro fratre ¹¹ Laurencio Iohannis conuentus Lundensis ordinis predicatorum professore sub data Rome etcetera indictione nona die xxvi mensis februarii pontificatus anno duodecimo\