Bonifacius (episcopus seruus seruorum dei ¹ ) dilecto filio Iohanni Petri clerico Lundensis diocesis salutem (et apostolicam benedictionem) ² ♦ Uite ac morum honestas aliaque laudabilia probitatis et uirtutum merita super quibus apud nos fidedigno commendaris testimonio nos inducunt ut te specialibus fauoribus et graciis prosequamur ♦ Sane peticio pro parte tua nobis exhibita continebat quod licet tu diuersas litteras scripsisti et dictasti ac eciam sigillasti propte<r> ³ quas nonnulle contrauersie ⁴ guerre et ⁵ mutilaciones necnon occasiones sunt subsequute propter que times irregularitatis maculam incurrisse quare pro parte tua nobis fuit humiliter supplicatum ut prouidere tibi super premissis de benignitate apostolica dignaremur ♦ Nos igitur uolentes te premissorum^{* 6} meritorum tuorum intuitu fauoribus prosequi graciosis huiusmodi supplicacionibus inclinati tecum qui simplex clericus existis ut ad omnes eciam sacros ordines promoueri et quecunque beneficia ecclesiastica cum cura et sine cura se inuicem compaciencia si tibi alias canonice conferantur recipere et retinere libere et licite ualeas premissis et constitucionibus apostolicis contrariis nequaquam obstantibus auctoritate apostolica tenore presencium de specialis dono gracie dispensamus teque restituimus in statum pristinum per presentes ♦ Nulli ergo ⁷ (omnino hominum liceat hanc paginam) nostre dispensacionis infringere (uel ei ausu temerario contraire) ♦ Si quis autem (hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit incursurum) ♦ Datum Rome apud sanctum Petrum duodecimo kalendas aprilis anno duodecimo.