Bonifatius (episcopus seruus seruorum dei ¹ ) dilecto filio Iohanni Brunikini canonico Roskildensi salutem (et apostolicam benedictionem). ² ♦ Uite ac morum honestas aliaque laudabilia probitatis et uirtutum merita super quibus apud nos fidedigno commendaris testimonio nos inducunt ut tibi reddamur ad graciam liberales/ ♦ Dudum siquidem omnes dignitates personatus et officia ceteraque beneficia ecclesiastica cum cura et sine cura que promouendi per nos ad quarumcumque ecclesiarum cathedralium regimina tempore promocionum huiusmodi obtinerent extunc et inantea uacatura collacioni et disposicioni nostre reseruantes decreuimus extunc irritum et inane si secus super hiis a quoquam quauis auctoritate scienter uel ignoranter contingeret attemptari/ ♦ Cum itaque postmodum cantoria ecclesie Roskildensis quam dilectus filius Iohannes Awonis electus Ottoniensis tempore promocionis per nos de eo ad ecclesiam Ottoniensem tunc pastore carentem facte obtinebat prout adhuc obtinet per huiusmodi promocionem et munus consecracionis eidem Iohanni impendendum uacare speretur in breui nullusque de illa preter nos hac uice disponere potuerit siue possit reseruacione et decreto obsistentibus supradictis nos uolentes tibi qui presbiter es premissorum meritorum tuorum intuitu graciam facere specialem et te in dicta ecclesia amplius honorare cantoriam predictam cuius fructus redditus et prouentus duodecim marcharum argenti puri secundum communem extimacionem ualorem annuum ut asseritur non excedunt cum illam ut premittitur uel per lapsum temporis de consecrandis episcopis a canonibus ^a diffiniti uel alio quouis modo eciam si per ipsius electi obitum uacare contigerit conferendam tibi cum omnibus iuribus et pertinenciis suis eciam si curata et dignitas maior post pontificalem in dicta ecclesia fuerit et ad eam consueuerit quis per electionem assumi motu proprio non ad tuam uel alterius pro te nobis super hoc oblate peticionis instanciam sed de nostra mera liberalitate donacioni apostolice reseruamus districtius inhibentes uenerabili fratri nostro episcopo et dilectis filiis capitulo Roskildensi ac illi uel illis ad quem uel ad quos ipsius cantorie collacio prouisio presentacio electio seu queuis alia disposicio communiter uel diuisim pertinet ne de dicta cantoria contra huiusmodi nostram reseruacionem disponere quoquomodo presumant/ decernentes prout est irritum et inane si secus super hiis a quoquam quauis auctoritate scienter uel ignoranter attemptatum forsan est hactenus uel imposterum contigerit attemptari non obstantibus quibuscumque statutis et consuetudinibus ipsius ecclesie Roskildensis contrariis iuramento confirmacione apostolica uel quacumque firmitate alia roboratis seu si aliqui super prouisionibus sibi faciendis de dignitatibus personatibus uel officiis in dicta ecclesia speciales aut aliis beneficiis ecclesiasticis in illis partibus generales apostolice sedis uel legatorum eius litteras impetrarint etiam si per eas ad inhibicionem reseruacionem et decretum uel alias quomodolibet sit processum quibus omnibus te in assecucione dicte cantorie uolumus anteferri sed nullum per hoc eis quo ad assecucionem dignitatum personatuum uel officiorum aut beneficiorum aliorum preiudicium generari/ seu si eisdem episcopo et capitulo uel quibusuis aliis communiter uel diuisim ab eadem sit sede indultum quod ad recepcionem uel prouisionem alicuius minime teneantur et ad id compelli ³ non possint/ quodque de dignitatibus personatibus uel officiis aut aliis beneficiis ecclesiasticis ad eorum collacionem prouisionem presentacionem electionem seu quamuis aliam disposicionem coniunctim uel separatim spectantibus nulli ualeat prouideri per litteras apostolicas non facientes plenam et expressam ac de uerbo ad uerbum de indulto huiusmodi mencionem et qualibet alia dicte sedis indulgencia generali uel speciali cuiuscumque tenoris existat per quam presentibus non expressam uel totaliter non insertam effectus huiusmodi gracie impediri ualeat quomodolibet uel differri et de qua cuiusque^{* 4} toto tenore habenda sit in nostris litteris mencio specialis aut si presens non fueris ad prestandum de obseruandis statutis et consuetudinibus ipsius ecclesie racione dicte cantorie solitum iuramentum dummodo in^{* 5} absencia tua per procuratorem ydoneum et cum ad ecclesiam ipsam accesseris corporaliter illud prestes/ ♦ Ceterum uolentes quod presentes nostre littere ⁶ plenum sortiantur effectum ex certa sciencia auctoritate apostolica tenore presencium declaramus nostre intencionis fuisse et esse ⁷ tibi duntaxat et nulli alteri cuiuscumque dignitatis status gradus ordinis uel condicionis existat sub presentis aut cuiuscumque diei data de dicta cantoria uoluisse et uelle graciam fecisse et facere et si forte reperiri contingat nos de cantoria huiusmodi alicui uel aliquibus alii uel aliis concessisse aut mandasse prouideri eciam si ille uel illi auctoritate litterarum nostrarum ei uel eis antea sub quacumque forma uel expressione uerborum factarum cantoriam predictam sic ut premittitur uacantem acceptauerit uel acceptauerint ac de illa earundem litterarum uigore sibi fecerit uel fecerint prouideri talia concessiones prouisiones et mandata et quecumque inde secuta eciam auctoritate et motu proprio predictis exnunc cassamus et irritamus ac nullius uolumus esse roboris uel momenti/ presentesque litteras nostras per quas tibi de dicta cantoria mandauimus prouideri ut prefertur perinde ualere et sortiri effectum debere ac de ipsa tibi prouideri posse et debere decernimus ac si concessiones et mandata huiusmodi per nos alicui alii uel aliquibus aliis ut prefertur facte non fuissent seu minime processissent predictis necnon ordinacionibus nostris et constitucionibus apostolicis et aliis contrariis non obstantibus quibuscumque ♦ Nulli ergo ⁸ (omnino hominum liceat hanc paginam) nostre reseruacionis inhibicionis constitucionis uoluntatis declaracionis cassacionis et irritacionis infringere ⁹ (uel ei ausu temerario contraire). ♦ Si quis autem ¹⁰ (hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit incursurum). ♦ Datum Rome apud sanctum Petrum septimo kalendas aprilis anno duodecimo.