Bonifacius (episcopus seruus seruorum dei ¹ ) uenerabili fratri episcopo Roskildensi salutem (et apostolicam benedictionem) ² ♦ Dignum arbitramur (et congruum ut illis se reddat sedes apostolica graciosam quibus ad id propria uirtutum merita laudabiliter suffragantur) ³ ♦ Cum itaque canonicatus et prebenda ecclesie Lundensis quos dilectus filius Iohannes electus Ottoniensis tempore promocionis per nos facte de ipso ad ecclesiam Ottoniensem tunc uacantem obtinebat prout adhuc obtinet per huiusmodi promocionem et munus consecracionis eidem electo impendendum uacare sperentur in breui nos uolentes dilectum filium Iohannem Petri clericum ⁴ Lundensis diocesis apud nos de uite ac morum honestate aliisque probitatis et uirtutum meritis multipliciter commendatum horum intuitu fauore prosequi gracioso fraternitati tue per apostolica scripta mandamus quatinus si post diligentem examinacionem dictum Iohannem Petri ad hoc ydoneum esse reppereris super quo tuam conscienciam oneramus canonicatum et prebendam predictos quorum fructus redditus et prouentus sex marcharum argenti secundum communem extimacionem ualorem annuum ut ipse Iohannes Petri asserit non excedunt cum illos ut prefertur uel per lapsum temporis de consecrandis episcopis a canonibus ^a diffiniti uel alias quouis modo eciam si per ipsius electi obitum uacare contigerit conferendos eidem Iohanni Petri cum omnibus iuribus et pertinenciis suis donacioni tue auctoritate nostra reserues districtius inhibendo uenerabili fratri nostro archiepiscopo et dilectis filiis capitulo Lundensi ac illi uel illis ad quem uel ad quos dictorum canonicatus et prebende collacio prouisio presentacio seu queuis alia disposicio communiter uel diuisim pertinet ne de canonicatu et prebenda predictis contra reseruacionem nostram huiusmodi disponere quoquo modo presumant et nichilominus canonicatum et prebendam predictos cum illos ut prefertur uacare contigerit eciam si actu <uel> ⁵ alias quouis modo uel ex alterius cuiuscunque persona seu per assecucionem alterius beneficii ecclesiastici apostolica auctoritate collati aut per liberam resignacionem alicuius per eum de illis apud sedem predictam uel extra Romanam curiam eciam coram notario publico et testibus sponte factam uacent eciam si tanto tempore uacauerint quod eorum collacio secundum statuta ^b Lateranensis concilii ad sedem predictam legitime deuoluta aut dicti canonicatus et prebenda disposicioni apostolice specialiter reseruati existant et persona per cuius factum ultimo uacauerunt dicte sedis capellanus uel alias officialis aut fructuum et prouentuum camere apostolice debitorum collector uel succollector seu alicuius ex uenerabilibus fratribus nostris sancte Romane ecclesie cardinalibus familiaris fuerit cum plenitudine iuris canonici ac omnibus iuribus et pertinenciis suis eidem Iohanni Petri auctoritate nostra conferas et assignes inducens per te uel alium seu alios eundem Iohannem Petri uel procuratorem suum eius nomine in corporalem possessionem canonicatus et prebende iuriumque et pertinenciarum predictorum et defendens inductum amoto exinde quolibet illicito detentore ac faciens ipsum Iohannem Petri uel dictum procuratorem^{* 6} pro eo ad huiusmodi prebendam in dicta ecclesia Lundensi in canonicum recipi et in fratrem stallo sibi in choro et loco in capitulo dicte ecclesie cum dicti iuris plenitudine assignatis sibique de ipsorum canonicatus et prebende fructibus redditibus prouentibus iuribus et obuencionibus uniuersis integre responderi contradictores auctoritate nostra (appellacione postposita compescendo) ⁷ non obstantibus quibuscunque statutis et consuetudinibus ipsius ecclesie Lundensis contrariis iuramento confirmacione apostolica uel quacunque firmitate alia roboratis aut si aliqui apostolica uel alia quauis auctoritate in eadem ecclesia Lundensi in canonicos sint recepti uel ut recipiantur insistant seu si super prouisionibus sibi faciendis de canonicatibus et prebendis ipsius ecclesie speciales aut aliis beneficiis ecclesiasticis in illis partibus generales dicte sedis uel legatorum eius litteras impetrarint eciam si per eas ad inhibicionem reseruacionem et decretum uel alias quomodolibet sit processum quibus omnibus eundem Iohannem Petri in assecucione dictorum canonicatus et prebende uolumus anteferri sed nullum per hoc eis quo ad assecucionem canonicatuum et prebendarum aut beneficiorum aliorum preiudicium generari seu si eisdem archiepiscopo et capitulo uel quibusuis aliis communiter uel diuisim ab eadem sit sede indultum quod ad recepcionem uel prouisionem alicuius minime teneantur et ad id compelli aut quod interdici suspendi uel excommunicari non possint quodque de canonicatibus et prebendis ipsius ecclesie aut aliis beneficiis ecclesiasticis ad eorum collacionem prouisionem presentacionem seu quamuis aliam disposicionem coniunctim uel separatim spectantibus nulli ualeat prouideri per litteras apostolicas non facientes plenam et expressam ac de uerbo ad uerbum de indulto huiusmodi mencionem et qualibet alia dicte sedis indulgencia generali uel speciali cuiuscunque tenoris existat per quam presentibus non expressam uel totaliter non insertam effectus earum impediri ualeat quomodolibet uel differri et de qua cuiusque toto tenore habenda sit in nostris litteris mencio specialis aut si dictus Iohannes Petri presens non fuerit ad prestandum de obseruandis statutis et consuetudinibus ipsius ecclesie Lundensis solitum iuramentum dummodo in absencia sua per procuratorem ydoneum et cum ad ecclesiam ipsam accesserit corporaliter illud prestet ♦ Ceterum uolentes quod presentes nostre littere plenum sorciantur effectum ex certa sciencia auctoritate apostolica tenore presencium declaramus nostre intencionis fuisse et esse prefato Iohanni Petri duntaxat et nulli alteri cuiuscunque dignitatis status gradus ordinis uel condicionis existat sub presentis aut alterius cuiuscunque diei data de dictis canonicatu et prebenda uoluisse et uelle graciam fecisse et facere/ et si forte reperiri contingat nos de canonicatu et prebenda huiusmodi alicui uel aliquibus alii uel aliis concessisse aut mandasse prouideri eciam si ille uel illi auctoritate litterarum nostrarum ei uel eis antea sub quacunque forma uel expressione uerborum factarum canonicatum et prebendam predictos sic ut premittitur uacantes acceptauerit uel acceptauerint ac de illis earundem litterarum uigore sibi fecerit uel fecerint prouideri talia concessiones prouisiones et mandata et quecunque inde secuta eciam auctoritate predicta exnunc cassamus et irritamus ac nullius esse uolumus roboris uel momenti/ presentesque nostras litteras per quas prefato Iohanni Petri de dictis canonicatu et prebenda mandauimus prouideri ut prefertur perinde ualere et sortiri effectum debere ac de ipsis sibi prouideri posse ac debere decernimus ac si concessiones et mandata huiusmodi per nos alicui alii uel aliquibus aliis ut prefertur facta non fuissent seu minime processissent predictis necnon ordinacionibus nostris et constitucionibus apostolicis et aliis contrariis non obstantibus quibuscunque ♦ Et insuper si dictus Iohannes Petri ad hoc repertus fuerit ydoneus ut prefertur exnunc perinde irritum decernimus et inane si secus super hiis a quoquam quauis auctoritate scienter uel ignoranter contigerit attemptari ac si die date presencium eidem Iohanni Petri ad hoc reperto ydoneo de canonicatu et prebenda predictis cum interposicione decreti prouideri mandauissemus ♦ Datum Rome apud sanctum Petrum septimo kalendas aprilis anno duodecimo.