Bonifatius etcetera dilecto filio Nicolao Iacobi clerico Roskildensis diocesis salutem etcetera ♦ Uite ac morum (---) liberales ♦ Hodie siquidem dilecto filio Iohanni Brunikini canonico Roskildensi de canonicatu et maiori prebenda ecclesie Roskildensis in qua maiores medie et minores prebende fore noscuntur quos dilectus filius Iacobus electus Bergensis tempore promocionis per nos de eo ad ecclesiam Bergensem tunc pastore carentem facte obtinebat/ cum illos per huiusmodi promocionem et munus consecracionis impendendum eidem electo uacare contingeret per nostras litteras ^a graciose mandauimus prouideri/ prout in ipsis litteris plenius continetur ♦ Cum itaque propterea quamprimum dictus Iohannes canonicatum et maiorem prebendam prefatos ipsarum litterarum uigore fuerit pacifice assecutus canonicatus et m<in>or ¹ prebenda quos dictus Iohannes in ipsa ecclesia Roskildensi obtinebat prout obtinet uacare sperentur. nos uolentes tibi premissorum meritorum tuorum intuitu graciam facere specialem predictos canonicatum et m<in>orem prebendam quorum fructus redditus et prouentus quatuor marcharum argenti puri secundum communem extimacionem ualorem annuum ut asseris non excedunt cum illos ut prefertur uel alias quouis modo eciam si per ipsius Iohannis obitum uacare contigerit conferendos tibi cum omnibus iuribus et pertinenciis suis donacioni apostolice reseruamus/ districcius inhibentes uenerabili fratri nostro .. ² episcopo et dilectis filiis capitulo Roskildensi ac illi uel illis ad quem uel ad quos ipsorum canonicatus et m<in>oris prebende collacio prouisio presentacio seu queuis alia disposicio pertinet communiter uel diuisim ne de ipsis canonicatu et m<in>ori prebenda contra huiusmodi nostram reseruacionem disponere quoquomodo presumant ac decernentes exnunc irritum et inane si secus super hiis a quoquam quauis auctoritate scienter* ³ uel ignoranter contigerit attemptari (---) roboratis aut si aliqui apostolica uel alia quauis auctoritate in eadem ecclesia in canonicos sint recepti uel ut recipiantur insistant seu si super prouisionibus sibi faciendis de canonicatibus et m<in>oribus prebendis in ipsa ecclesia speciales (---) quibus omnibus te in assecucione canonicatus et m<in>oris prebende predictorum uolumus anteferri/ sed nullum per hoc eis quo ad assecucionem canonicatuum et prebendarum aut beneficiorum aliorum preiudicium (---) quodque de canonicatibus et m<in>oribus prebendis ipsius ecclesie aut aliis beneficiis ecclesiasticis ad eorum collacionem prouisionem presentacionem seu quamuis aliam disposicionem (---) consuetudinibus dicte ecclesie solitum iuramentum (---) illud prestes/ ♦ Ceterum uolentes (---) cuiuscumque alterius diei data de dictis canonicatu et m<in>ori prebenda uoluisse et uelle graciam fecisse et facere/ et si forte reperiri contingat nos de canonicatu et prebenda m<in>ori huiusmodi alicui (---) factarum canonicatum et ⁴ minorem prebendam predictos ut premittitur uacantes acceptauerit uel acceptauerint ac de illis earundem litterarum uigore sibi fecerit uel fecerint prouideri talia concessiones prouisiones et mandata et ⁵ quecumque inde secuta exnunc cassamus et irritamus ac nullius esse uolumus roboris uel momenti/ presentesque nostras litteras per quas tibi de dictis canonicatu et minori prebenda mandauimus (---) inhibicionis concessionis uoluntatis (---) ♦ Datum Rome apud sanctum Petrum quinto kalendas aprilis anno duodecimo. ⁶