Bonifacius etcetera carissime in Christo filie Margarete Dacie Swecie et Norwegie regine illustri salutem etcetera ♦ Sincere deuocionis ¹ affectus quem ad nos et Romanam ecclesiam geris merito promeretur ut uotis tuis quantum cum deo possumus fauorabiliter annuamus ♦ Cum itaque sicut accepimus nonnulle possessiones bona immobilia terre aratorie et prata ² ac te et coronas regias dictorum regnorum pertinencia ab ipsarum regiarum coronarum possessione alienata et distracta fore noscantur pro parte tua fuit nobis humiliter supplicatum ut tibi et dictis coronis regiis salubriter super hiis prouidere de benignitate apostolica dignaremur ♦ Nos itaque huiusmodi supplicacionibus inclinati huiusmodi bona possessiones terras prata ubicunque consistencia tibi ac dictis coronis regiis recuperamus necnon litteras apostolicas et priuilegia quecunque ac litteras alias quibuscunque personis tam marium quam feminarum super hiis per sedem apostolicam seu alias quomodolibet concessas quorum tenorem de uerbo ad uerbum presentibus haberi uolumus pro sufficienter expressis eadem auctoritate apostolica tenore presencium reuocamus cassamus irritamus et nullius eas esse uolumus roboris uel momenti ♦ Nulli ergo (---) nostre recuperacionis ³ concessionis reuocacionis cassacionis et uoluntatis infringere (---) ♦ Datum Rome apud sanctum Petrum quarto kalendas aprilis anno duodecimo.