/ Dat irste artikel
Were ok dat se arbeideslude behof hadden de mogen se winnen vmme ere penninge/ wor se de hebben mogen sunder broke edder hinder dat en schal ok nicht wesen iegen vnsen hern den koning vnde dat rike vnde ere amptlude/ hir mede is dat artikel vorbetert/ ¹ edder vogede vnde de amptlude edder vogede scolen den gennen de des behuf hebben behulpen wesen to bundern edder ² andern luden de en dat gud bergen helpen/ vnde se scolen de bundere edder arbeideslude sodanich ³ hebben/ dat se vor dat gud dat ⁴ geberget wert edder se ok suluen eft se ⁵ suluen mit eren denren <de> ⁶ dar to hulpen nichtmer nemen men alse hir nascreuen steit alse ⁷ ♦ Vor swar gud alse hering/ heringsm{ee}r/ botteren sel/ honich/ tallich asschen/ osemunt/ tin/ bly/ copper/ win/ beer/ oly/ sepen/ pik teer/ vnde vor al ander swar tunnengud/ den twintegesten penning/ vnde me schal des dem copmanne belouen ⁸ bi sinem ede oft men em des nicht vordregen wil wes dat gud werdich is/ ♦ Vortmer alle droge tunnengut bereuen edder vnbereuen grod edder klene dat ⁹ si wat gudes dat id sy vor islike tunnen ene lodige marc id enwere dat {ee}n ¹⁰ van den drogen tunnen nicht beter enwere wen .l. marc Lubesch dar schalme vor geuen {j-} lodige marc/ vor en stro wasses viii schilling Lubesch vor ene packe wandes de heel geberget werd ene lodige marc/ ¹¹ vor enen terling wandes de heel geberget wert {j-} lodige marc/ were ok dat en packe edder terling to breke so schal me geuen vor islik laken ¹² iiii schilling Lubesch tho bergende
/Dat ander artikel
Were ok dat alsodanich schipbrokich ¹³ gud to dessen vorsprokenen riken edder lande to sloge edder dreue/ vnde de lude vordrunken edder vorg{ae}n weren dat gud schal de negeste voget edder de dar weldich ¹⁴ is bergen laten vnde wat des berget ¹⁵ werd dat schal he mit witscop bedderuer lude in de negesten kerken bringen laten/ vnde laten dat bescriuen wat des gudes si vnde bewaren dat truweliken to der hant der eruen edder der ¹⁶ gennen de dat gud ¹⁷ mit rechte vorderen mogen wo se binnen iare vnde dage bewisinge bringen mit erer stad breue dar se borgere ynne sin dat se rechte eruen sin to dem suluen gude edder dat se dat mit rechte vordern mogen den schalme dat antworden vnbeworen vnde geuen den arbeidesluden redelik arbeydeslon/ ¹⁸ hir mede is dit artikel vorbeterd/ ¹⁹ alse den twintegesten penning van allerleye gude dat si wat gudes dat yd si vnde wo de copman deme dat gud tobehoret edder syne eruen oft he vorstoruen were edder de ghenne de des mechtich sin to manende mit eren eden beholden willen dat sodanich gud werdich is de schalme en belouen ²⁰ vnde se dar enbouen nicht beswaren/
Vortmer eft de genne de sodane bewisinge efte ²¹ breue alse vorscreuen is brochte in de iegene dar dat gud to lande komen were edder dar dat gud alse vorscreuen is vorwaret ²² were vnde eft de breue spreken an den heren koning edder an de vrowen koninginnen edder an den houetman edder houetlude ienich der iegene dar dat gud to lande komen were edder dar dat iegenwerdich bewaret were also dat id vd sodanen breuen openbar were dat de bringere der breue mechtich were dat gud to vorderende so schal id allike ²³ stede wesen weme he de breue antwordet alse deme heren koninge edder der vrowen koninginnen edder den amptluden vnde dar up schalmen ²⁴ em dat gud antworden alse vorscreuen is.