Uniuersis presentes litteras inspecturis. Margareta Pethers doter relicta domini Iohannis Møltikæ de Thurbernæfellæ militis salutem in domino [semp]iternam. ♦ Constet uniuersis presentibus et futuris quod recognosco me religiosis uirginibus et dominabus. sorori Sophie [Cla]wesæ doter abbatisse ordinis sancte Clare Roskildis ceterisque sororibus ibidem degentibus in uiginti marchis puri argenti eisdem per me legatis <teneri et obligatam esse> ¹ in remedium anime patris mei dilecti scilicet domini Petri Lodouici militis . quarum quidem quindecim cedent ad edificium ecclesie et monasterii earum. pro quibus a nobilissima principissa domina Margareta regina nostra necnon ab honesto uiro Siluestro capitaneo castri Abramsthorp . Petrus Nicholai de Waldorp predictarum sororum prouisor acceperat fideiussionem. pro ceteris autem quinque marchis ciphum meum argenteum grossiorem eisdem sororibus impignero per presentes. tali condicione quod si antedictus ciphus in uita mea per me uel post mortem meam per predilectam filiam meam dominam Katerinam dilectam consortem domini Nicholai Grubendalæ militis infra unum annum et sex septimanas non fuerit resolutus. tunc plenam habeant potestatem uendendi predictum ciphum pro pecunia que inter sorores equanimiter diuidatur. ♦ In cuius rei testimonium sigillum meum. una cum sigillis uenerabilium uirorum scilicet Petri Nicholai de Waldorp armigeri . et domini Petri Mathei canonici ecclesie Roskildensis . et domini Iohannis sacriste ibidem presentibus sunt appensa. ♦ Datum Roskildis anno domini .m^o.cd^oi. die beati Clementis pape et martyris.