Omnibus presens scriptum cernentibus Nicolaus Petri de Lyungby armiger salutem in domino sempiternam ♦ Constare uolo uniuersis presentibus et futuris quod presentibus recognosco me nobili uiro exhibitori presencium Petro Nyelson in Woldhorp armigero in decem marchis argenti in bonis albis denariis cum quibus mercator possit alteri mercatori in Syælandia satisfacere teneri et esse ueraciter obligatum pro qua quidem pecunie summa eidem Petro Nyelson bona mea in Høwæ in Flackæbyergshæret sita .uidelicet. unam curiam cum septem solidis terrarum in censu in qua quidem pronunc Nicolaus Langæsytæ residet cum omnibus suis pertinenciis .uidelicet. agris. pratis. pascuis humidis et siccis nullis exceptis inpignero per presentes tali condicione inter nos prehabita quod dictus Petrus Nyelson fructus et redditus eorundem bonorum percipiat omni anno et in sortem debiti principalis minime sit computandum hoc adiecto quod quando dicta bona redimantur extunc per nullum alium nisi per memetipsum aut per meos ueros heredes a prefato Petro Nyelson uel suis heredibus redemi ¹ debeant pro dictis denariis nec dabo alicui alteri potestatem eadem bona redimendi a Petro antedicto necnon et in die sancti Martini episcopi et confessoris. quando redimantur extunc in proximo placito prouinciali ante festum sancti Michaelis archangeli est ante diem resolucionis prenarratum dicto Petro Nyelson per me aut meos heredes erit intimandum ♦ Insuper idem Petrus Nyelson in dictis bonis familiam instituendi et exstituendi plenam habeat potestatem ♦ Preterea obligo me meosque heredes dicto Petro Nyelson et suis heredibus antedicta bona appropriare secundum leges terre et disbrigare ab inpeticione quorumcumque ♦ In cuius rei testimonium sigillum meum una cum sigillis nobilium uirorum .uidelicet. domini Olaui Bondonis presbiteri Andree Gryys et Nicolai Skyttæ armigerorum presentibus et appensum ♦ Datum sub anno domini m^o quadringentesimo tercio die purificacionis beate Marie uirginis gloriose.