Ericus dei gracia. regnorum / Dacie Swecie Norwegie Slauorum Gotorumque rex. dux Pomeranie ¹ omnibus presens scriptum cernentibus eternam in domino salutem / ♦ Constare uolumus uniuersis presentibus et futuris. quod nos omnia priuilegia. libertates et gracias. que et quas dilecti progenitores ac predecessores nostri reges Dacie/ ex caritate bona ac beningna eorum uoluntate et gracia speciali. uiris religiosis ac dominis abbati et monachis in Esrom dederunt. ac benigniter annuerunt. ipsis dominis abbati et monachis prenominatis ex mera dilectione et gracia nostra speciali concedimus fauorabiliter annuentes. omnibusque modis prout sonant littere ^a progenitorum nostrorum huic presenti littere nostre annexe ² ipsas et ipsa libertates et gracias et priuilegia ratificantes tenore presencium confirmamus. ♦ Quare per graciam nostram districtius inhibemus. ne quis aduocatorum nostrorum seu officialium aut quiuis alius cuiuscumque condicionis aut status extiterit ipsos aut aliquem ipsorum contra hanc graciam nostram ipsis factam. presumat aliqualiter molestare. ymmo potius iuxta tenore<m> ³ litterarum nostrarum presentium omnimode promouere. ♦ In cuius confirmacionis euidentiam firmiorem sigillum nostrum presentibus est appensum. ♦ Datum Wordingborgh anno domini m.^o cd.^o tercio. die ciner<u>m ⁴ regni nostri anno octauo.