Ericus dei gracia regnorum Dacie Suecie Noruegie Sclauorum Gotorumque rex. ac dux Pomeranie uniuersis presens scriptum cernentibus. eternam in domino salutem ♦ Constare uolumus uniuersis presentibus et futuris. quod nos omnia priuilegia libertates et gracias. que et quas dilecti progenitores et predecessores nostri reges Dacie ex caritate. bona ac benigna eorum uoluntate et gracia speciali uiris religiosis uidelicet dominis. priori ac fratribus sancti Iohannis de Andwordskow . dederunt ac benigniter annuerunt ipsis dominis priori ac fratribus prenominatis ex mera dileccione et gracia nostra speciali. concedimus fauorabiliter annuentes omnibusque modis prout sonant littere ^a progenitorum nostrorum huic presenti littere nostre annexe. ipsas et ipsa libertates gracias et priuilegia ratificantes. tenore presencium confirmamus/ ♦ Quare per graciam nostram districtius inhibemus ne quis aduocatorum nostrorum seu officialium aut quiuis alius cuiuscunque condicionis aut status extiterit ipsos aut aliquem ipsorum contra hanc graciam nostram ipsis factam presumat aliqualiter molestare ymmo potius iuxta tenorem litterarum nostrarum presencium omnimode promouere ♦ In cuius confirmacionis euidenciam firmiorem sigillum nostrum presentibus est appensum ♦ Datum Wordingborgh anno domini m^o. cd^o tercio feria. v^a. proxima ante dominicam Inuocauit regni nostri anno viii^o.