Ericus dei gracia regnorum Dacie Suecie Noruegie Sclauorum Gotorumque rex. ac dux Pomeranie uniuersis presens scriptum cernentibus eternam in domino salutem ♦ Constare uolumus uniuersis presentibus et futuris. quod nos omnia priuilegia libertates et. gracias. que et. quas dilecti progenitores et predecessores nostri reges Dacie. ex caritate bona ac benigna eorum uoluntate. et gracia speciali uiris religiosis ac dominis uidelicet abbati ac monachis in Næstwet . dederunt. ac benigniter annuerunt ipsis dominis abbati et. monachis prenominatis. ex mera dilectione et gracia nostra speciali. concedimus fauorabiliter annuentes omnibusque modis prout sonant littere ^a progenitorum nostrorum huic presenti littere nostre annexe ipsas et. ipsa. libertates gracias et priuilegia ratificantes tenore presencium confirmamus ♦ Quare per graciam nostram districtius inhibemus ne quis aduocatorum nostrorum seu officialium aut quiuis alius cuiuscunque condicionis aut status extiterit ipsos aut aliquem ipsorum contra hanc graciam nostram ipsis factam presumat aliqualiter molestare ymmo pocius iuxta tenorem litterarum nostrarum presencium omnimode promouere ♦ In cuius confirmacionis euidenciam firmiorem sigillum nostrum presentibus est appensum ♦ Datum Wordingborgh feria quinta proxima ante dominicam inuocauit anno domini m^ocd^o tercio regni nostri anno viii^o\