Ericus, dei gratia regnorum Daciæ ¹ , Suetiæ, Noruegiæ ² ,Sclauorum ³ Gothorumque ⁴ rex ac dux Pomeraniæ ⁵ , uniuersis præsens scriptum cernentibus æternam in domino salutem. ♦ Constare uolumus ⁶ uniuersis præsentibus et futuris, quod nos omnia priuilegia ⁷ , libertates et gratias, quæ et quas dilecti progenitores et prædecessores nostri, reges Daciæ ⁸ , ex caritate bona ac ⁹ benigna eorum uoluntate et ¹⁰ gratia speciali ¹¹ dilectis nobis uillanis de Slaulosia dederunt ac benigniter annuerunt, ipsis uillanis prænominatis ex mera dilectione et gratia nostra speciali ¹² concedimus fauorabiliter annuentes omnibusque modis ¹³ , prout sonant literæ progenitorum nostrorum huic præsenti literæ nostræ annexæ, ipsas et ipsa libertates, gratias et priuilegia ratificantes tenore ¹⁴ præsentium confirmamus. ♦ Quapropter per gratiam nostram districtius inhibemus, ne quis aduocatorum nostrorum seu officialium aut quiuis alius, cuiuscunque conditionis aut status extiterit, ipsos seu aliquem ipsorum contra hanc gratiam nostram ipsis factam præsumat aliquatenus molestare, immo ¹⁵ potius iuxta formam literarum nostrarum præsentium ¹⁶ omnimode promouere. ♦ In cuius confirmationis euidentiam firmiorem sigillum nostrum præsentibus est appensum. ♦ Datum Wordingborgi ¹⁷ anno domini mcd ¹⁸ tercio ¹⁹ feria quinta proxima ante dominicam Inuocauit regni nostri anno viii.