Bonifatius (episcopus seruus seruorum dei) ¹ . dilecto filio Iohanni Spreen canonico Sleswicensi salutem (et apostolicam benedictionem) ² . ♦ Uite ac morum honestas aliaque laudabilia probitatis et uirtutum merita super quibus apud nos fidedigno commendaris testimonio nos inducunt ut tibi reddamur ad graciam liberales/ ♦ Uolentes itaque tibi premissorum meritorum tuorum intuitu graciam facere specialem canonicatum ecclesie Sleswicensis cum plenitudine iuris canonici apostolica tibi auctoritate conferimus et de illo eciam prouidemus ♦ Prebendam uero ipsius ecclesie necnon beneficium ecclesiasticum sine cura cuius fructus redditus et prouentus decem et octo marcharum argenti secundum communem extimacionem ualorem annuum non excedant ad collacionem prouisionem presentacionem seu quamuis aliam disposicionem uenerabilis fratris nostri .. ³ episcopi Lubicensis et dilectorum filiorum .. ⁴ prepositi .. ⁵ decani et capituli singulorumque canonicorum et personarum ecclesie Lubicensis etiam racione dignitatum personatuum uel officiorum que in eadem ecclesia Lubicensi obtinent communiter uel diuisim pertinens dummodo canonicatus et prebenda ecclesie cathedralis non fuerit si qua uacant ad presens uel cum uacauerint que tu per te uel procuratorem tuum ad hoc legitime constitutum infra unius mensis spacium postquam tibi uel eidem procuratori uacacio illorum innotuerit duxeris acceptanda conferenda tibi post acceptacionem huiusmodi cum omnibus iuribus et pertinenciis suis donacioni apostolice reseruamus districtius inhibentes uenerabili fratri nostro .. episcopo et dilectis filiis capitulo Sleswicensi ac illi uel illis ad quem uel ad quos in ipsa ecclesia Sleswicensi prebendarum collacio prouisio presentacio seu queuis alia disposicio communiter uel diuisim pertinet ne ac de prebenda necnon eisdem episcopo Lubicensi ac preposito decano capitulo canonicis et personis ecclesie Lubicensis ne de beneficio huiusmodi interim etiam ante acceptacionem eandem nisi postquam eis constiterit quod tu uel procurator predictus illa nolueritis acceptare disponere quoquo modo presumant/ ac decernentes exnunc irritum et inane si secus super hiis a quoquam quauis auctoritate scienter uel ignoranter contigerit attemptari/ non obstantibus de certo canonicorum numero et quibuslibet aliis ipsius ecclesie Sleswicensis statutis et consuetudinibus contrariis iuramento confirmacione apostolica uel quacumque firmitate alia roboratis/ aut si aliqui apostolica uel alia quauis auctoritate in eadem ecclesia Sleswicensi in canonicos sint recepti uel ut recipiantur insistant/ seu si super prouisionibus sibi faciendis de canonicatibus et prebendis ipsius ecclesie Sleswicensis ac huiusmodi uel aliis beneficiis ecclesiasticis in illis partibus speciales uel generales apostolice sedis uel legatorum eius litteras impetrarint eciam si per eas ad inhibicionem reseruacionem et decretum uel alias quomodolibet sit processum quibus omnibus preterquam auctoritate nostra in dicta ecclesia Sleswicensi receptis uel prebendas in eadem ac beneficia huiusmodi expectantibus te in assecucione prebende ac beneficii huiusmodi uolumus anteferri sed nullum per hoc eis quo ad assecucionem canonicatuum et prebendarum aut beneficiorum aliorum preiudicium generari/ seu si prefatis episcopis preposito decano capitulis canonicis et personis uel quibusuis aliis communiter uel diuisim a dicta sit sede indultum quod ad recepcionem uel prouisionem alicuius minime teneantur et ad id compelli non possint/ quodque de canonicatibus et prebendis ipsius ecclesie Sleswicensis ac huiusmodi uel aliis beneficiis ecclesiasticis ad eorum collacionem prouisionem presentacionem seu quamuis aliam disposicionem coniunctim uel separatim spectantibus nulli ualeat prouideri per litteras apostolicas non facientes plenam et expressam ac de uerbo ad uerbum de indulto huiusmodi mencionem/ et qualibet alia dicte sedis indulgencia generali uel speciali cuiuscumque tenoris existat per quam presentibus non expressam uel totaliter non insertam effectus huiusmodi gracie impediri ualeat quomodolibet uel differri et de qua cuiusque toto tenore habenda sit in nostris litteris mencio specialis/ aut si presens non fueris ad prestandum de obseruandis statutis et consuetudinibus eiusdem ecclesie Sleswicensis solitum iuramentum dummodo in absencia tua per procuratorem ydoneum et cum ad ecclesiam ipsam accesseris corporaliter illud prestes/ seu quod ut asseris parrochialem ecclesiam in Byerby Ottoniensis diocesis nosceris obtinere/ ♦ Uolumus autem quod post quinquennium a data presencium litterarum conputandum aliquam prebendam seu beneficium aliquod uigore earundem nequeas acceptare nec de illa seu illo tibi facere prouider<i> ⁶ / decernentes irritum et inane si secus actum fuerit in premissis ♦ Nulli ergo (omnino hominum liceat hanc paginam) ⁷ nostre collacionis prouisionis reseruacionis inhibicionis constitucionis et uoluntatis (infringere uel ei ausu temerario contraire) ⁸ ♦ Si quis autem ⁹ (hoc attemptare presumpserit indignacionem omnipotentis dei et beatorum Petri et Pauli apostolorum eius se nouerit incursurum). ♦ Datum Rome apud sanctum Petrum sextodecimo kalendas aprilis anno quartodecimo\