Rex Iohanni Mulsho armigero commoranti in Cales \ salutem. ♦ Quia datum est nobis intelligi quod triginta dolia uini Iohannis Palyng et Iohannis Dyne burgensium uille de Ipre in Flandria ac Tydemere Blawe burgensis de Rypes in Dacia nuper supra mare in quadam naui indebite et minus iuste ac contra formam presencium treugarum per te capta fuerunt et in custodia tua adhuc existunt\ tibi precipimus firmiter iniungentes quod si ita est\ tunc uina predicta prefatis Iohanni Palyng Iohanni Dyne et Tydemere seu eorum in hac parte attornatis sine dilacione liberes. ♦ Et si causa racionabilis subfuerit quare id nimine facere debeas\ tunc in propria persona tua sis coram nobis et consilio nostro apud Westmonasterium a die pasche proxime futuro in tres septimanas ad nos et dictum consilium nostrum de causa illa ibidem plenius informandum et ad faciendum ulterius et recipiendum quod per nos et dictum consilium nostrum tunc consideratum fuerit in premissis. ♦ Et hoc sub incumbenti periculo nullatenus omittas. ♦ Et habeas ibi hoc breue. ♦ Teste rege apud Westmonasterium xiiii die aprilis.