Illustrissimo principi et domino domino diuina fauente clemencia Romanorum regi semper Augusto regni <ue>stri ¹ felicis prosperitatis augmentum. reuerendis in Christo patribus dominis. Coloniensi. Maguntinensi. Treuerensi. Lundensi. Upsaliensi. Nidrosiensi et Bremensi archiepiscopis . ac Roskildensi. Ottoniensi. Sleswicensi Arusiensi. Ripensi Wiburgensi. Strenginensi. Arosiensi. Lincopensi. Scarensi. Aboensi. Wexionensi. Bergensi. Stawangerensi. Hammerensi. Asloensi. <Or>chadensi ² . F<a>rensi ³ . Holensi ⁴ . G<ar>densi ⁵ . Scal<ot>ensi ⁶ Caminensi. †Stetinensi† ⁷ . Raceburgensi. Monasteriensi. Swerinensi. Lubicensi. et Verdensi episcopis . ac illustri principi et domino domino Dacie. Swecie et Norwegie regi. ceterisque ducibus. marchionibus. lantgrauiis principibus et comitibus eorumque et cuiuslibet eorum in spiritualibus et temporalibus uicariis seu officialibus. ac uniuersis et singulis. dominis abbatibus. prioribus. prepositis decanis. archidiaconis. scolasticis. cantoribus. thesaurariis. sacristis tam cathedralium quam collegiatarum canonicis. parrochialiumque ecclesiarum rectoribus seu locatenentibus eorundem. presbiteris curatis et non curatis necnon quibuscumque monasteriorum domorum hospitalium et cenobiorum quorumcumque prelatis generalibus. ministris. guardianis. magistris prouincialibus. commendatoribus preceptoribus eorundem locatenentibus. monachis et fratribus quorumcumque locorum et ordinum exemptorum et non exemptorum. notariis et tabellionibus publicis ac clericis quibuscumque. necnon omnibus et singulis nobilibus. baronibus. terrarum dominis. militibus. armigeris. aduocatis. castellanis. iudicibus. scultetis. scabinis. consulibus. proconsulibus. iuratis et iusticiariis quarumcumque ciuitatum opidorum uillarum. castrorum districtuum et locorum per prouincias. ciuitates et dioceses antedictas ac alias ubilibet constitutis ac illi uel illis ad quem uel ad quos prepositure in Thuda Burglanensis diocesis. collacio. prouisio. presentacio seu queuis alia disposicio pertinet communiter uel diuisim et presertim Nicholao Michaelis in dicta prepositura intruso. necnon reuerendo in Christo patri domino Petro episcopo Burglanensi fautori et defensori. omnibusque aliis et singulis contradictoribus et rebellibus ac aliis quorum interest seu intererit aut quos infrascriptum tangit negocium seu tangere poterit quomodolibet in futurum. Hermannus Dwerg decretorum doctor decanus ecclesie sancti Seuerini Coloniensis domini nostri pape capellanus et ipsius sacri palacii apostolici causarum et cause ac partibus infrascriptis ab eodem domino nostro papa auditor specialiter deputatus. uobis illustrissimo principi domino Romanorum regi <ue>stre ⁸ regie maiestatis et regnorum <ue>strorum ⁹ felicis prosperitatis augmentum ceterisque prenominatis salutem in domino et presentibus fidem indubiam adhibere. ♦ Nuper sanctissimus in Christo pater et dominus noster dominus Bonifacius diuina prouidencia papa nonus quandam commission<is> ¹⁰ siue supplicacionis cedulam nobis per certum suum cursorem presentari fecit quam nos cum. ea qua decuit reuerencia recepisse noueritis tenorem que sequitur continentem. ♦ Beatissime pater ♦ Uacante alias prepositura in Thura Burglanensis diocesis per quondam Iohannis Roerson extra Romanam curiam defuncti obitum. sanctitas uestra. deuoto oratori eiusdem Erico Dozenrode de eadem siue premisso siue alio quouismodo uacaret dummodo in ea non esset alicui specialiter ius quesitum graciose concessit prouideri qui litteris apertis super huiusmodi concessionis gracia confectis easdem uenerabili uiro domino Iohanni Petr<i> ¹¹ preposito in Witha in ecclesia Sleswicensi uni ex executoribus ¹² in eisdem litteris cum illa clausula. quatinus uos uel duo aut unus uestrum etcetera. a sede apostolica specialiter deputato presentauit. et sibi per eundem dictam preposituram cum omnibus iuribus et pertinenciis suis conferri et de eadem prouideri. processusque solitos et consuetos excommunicacionis suspensionis et interdicti sentencias in se continentes. non solum contra impedientem ipsum dominum Ericum quominus litterarum et processuum predictorum uigore. possessionem corporalem et realem dicte prepositure iuriumque et pertinenciarum eiusdem assequi. necnon fructus redditus et prouentus ex eadem percipere ualeret et posset ut deberet. set eciam impedientem ipsum dantes auxilium consilium uel fauorem desuper fieri et fulminari ac litteras et processus ipsos ad certam et indubitatam noticiam cuiusdam Nicolai Mychaelis in eadem prepositura intrusi deduci et tandem ipsum Nicolaum intrusum quia processibus huiusmodi parere contempsit. penas et censuras in eisdem processibus contentas incidisse et ut talem publice denunciari fecit et procurauit. ♦ Et licet idem Nicolaus intrusus penas et censuras in eisdem processibus contentas extunc animo insorduerit prout eciam insordescit de presenti indurato non curans ad sancte matris ecclesie redire unitatem. tamen reuerendus pater dominus Petrus episcopus Burglanensis si sic dici mereatur qui de premissis ueram noticiam habuit et habet eundem Nicolaum intrusum in suum familiarem domesticum continuum commensalem recepit. et non solum in ipsius presencia. set eciam coram copiosa gencium multitudine officia diuina celebrare se<u> ¹³ pocius prophanare ac se alias eisdem inmiscere permisit et permittit. ♦ Et hiis non contentus set mala malis accumulando eidem domino Erico ne sub pena incarceracionis perpetue ad ulteriorem execucionem litterarum et processuum predictorum procederet inhiberi fecit et procurauit. ♦ Cumque pater crescente contumacia crescere debet et pena. supplicatur eidem sanctitati uestre. pro parte dicti domini Erici quatinus alicui ex uenerabilibus dominis uestri sacri apostolici causarum palacii auditori<bus> ¹⁴ committere et mandare dignemini ut se de premissis summarie simpliciter et de plano ac sine strepitu et figura iudicii informet et si ea ueritate fulciri repereat ¹⁵ processus huiusmodi tam contra Nicolaum intrusum et Petrum episcopum fautorem premissos et quoscumque alios contradictores et rebelles per edictum publicum in partibus circumuicinis affigendum cum ad eos pro execucione processuum eorundem non pateat dicto exponenti tutus accessus aggrauet et reaggrauet inuocato ad hoc si opus fuerit auxilio brachii secularis. quodque processus ipsi intrusum et fautorem ac alios predictos ^{16 *} arcea<n>t ¹⁷ ac si personaliter apprehensi constitutionibus apostolicis et aliis in contrarium editis non obstantibus quibuscumque. ♦ In fine uero dicte commissionis siue supplicacionis cedule scripta erant de alterius manu littera superiori littere ipsius cedule penitus et omnino dissimili et diuersa hec uerba uidelicet ♦ De mandato domini nostri pape informet se de expositis magister Hermannus Dwerg et si ea repperit uera aggrauet dictos processus ut petitur et inuocet brachium seculare et omnia exequatur per edictum facta informacione et iusticiam faciat. ♦ Cuius quidem commissionis principaliter nominati quibusdam sumpto de registro litterarum apostolicarum domini nostri pape processibus et aliis instrumentis necnon articulis et testibus fidedignis ad informandum animum nostrum de et super in dicta nobis facta commissione contentis ipsisque testibus per nos receptis et admissis ac in forma iuris iuratis et fideliter examinatis eorumque dictis et depositionibus per nos uisis et intellectis. tandem fuimus per eundem dominum Ericum Dozenrode principalem coram nobis constitutum cum instancia debita requisiti quatinus ipsos processus in prelibata commissione descriptos. sentenciasque in eisdem processibus contentas et contra Nicolaum Mychaelis ¹⁸ ex aduerso principalem eciam in antedicta nobis commissione ex aduerso principaliter nominatum necnon reuerendum patrem dominum Petrum episcopum Burglanensem omnesque et singulos contradictores et rebelles per edictum publicum in Romana curia et in partibus in locis circumuicinis affigendum aggrauare et reaggrauare eciam cum inuocacione auxilii brachii secularis iuxta et secundum uim formam continenciam et tenorem commissionis antedicte dignaremur. ♦ Nos igitur Hermannus auditor prefatus attendentes requisicionem huiusmodi fore iustam et consonam racioni. uolentesque mandatum apostolicum nobis in hac parte directum reuerenter exequi ut tenemur et quia ex memoratis sumpto processibus articulis et testium d<e>posicionibus ¹⁹ inuenimus narrata in dicta commissione fore uera prefatosque reuerendum patrem dominum Petrum episcopum Burglanensem et Nicolaum Mychaelis intrusum aliosque contradictores et rebelles pro huiusmodi nostrorum processuum continuacione et eorundem insinuacione eis et eorum cuilibet facienda ac eorum domicilia comode adiri non posse. idcirco auctoritate apostolica nobis in hac parte commissa per hoc presens publicum <edictum> ²⁰ in audiencia publica litterarum contradictarum domini nostri pape legendum ac ualuis seu portis audiencie causarum basilice sancti Petri principis apostolorum de urbe necnon cathedralium Ripensis et Wibergensis ecclesiarum affigendum supradictos processus et sentencias in eis contentas continuare aggrauare et reaggrauare uolentes iuxta pretacte nobis facte commissionis continenciam et tenorem omnia et singula nobis in hac parte commissa. uobis omnibus et singulis supradictis tam ecclesiasticis quam secularibus personis ac aliis quibuscumque Christi fidelibus ad quorum noticiam presentes littere peruenerint et uestrum cuilibet intimamus et insinuamus et notificamus et ad iustum uestram et cuiuslibet noticiam deducimus et deduci uolumus per presentes. uobisque nichilominus et uestrum cuilibet in uirtute sancte obediencie et sub excommunicacionis pena quam in uos et uestrum quemlibet canonica monicione premissa ferimus in hiis scriptis ²¹ nisi feceritis quod districte precipiendo mandamus et inhibemus ne prefatis dominis Nicolao Michaelis principali ac Petro episcopo ipsius Nicolai fautori ceterisque contradictoribus et rebellibus supradictis comedendo bibendo colloquendo emendo uendendo mutuando seruiendo aquam et ignem et sal ministrando agrum uel uineam colendo hospitando salutando cantando legendo diuinis inmiscendo aut alio quouis humano solacio nisi in casibus dumtaxat a iure permissis quoquomodo participetis seu participe<s> ²² . ♦ Alioquin in omnes et singulos cum prelibatis dominis Petro episcopo et Nicolao intruso ac aliis contradictoribus et rebellibus quomodolibet participant<es> ²³ nisi infra tres dies ab huiusmodi participacione a die ²⁴ sciencie computandos inmediate sequentes destiterint exnunc prout extunc et extunc prout exnunc excommunicacionis sentenciam ferimus in hiis scriptis et eciam promulgamus nichilominus eciam uobis omnibus et singulis supradictis et presertim ecclesiasticis personis sub simili excommunicacionis pena quam nisi feceritis quod mandamus uos et quemlibet uestrum incurrere uolumus ipso facto/ trina et canonica monicione premissa mandantes ut huiusmodi nostris processibus contra memoratos dominos Petrum episcopum et Nicolaum intrusum et alios contradictores et rebelles ac cum eis rebelliter participantes singulis diebus dominicis et festiuis in ambonibus uestrarum ecclesiarum infra missarum sollempnia dum ibidem populi multitudo ad diuina audienda uel alias congregata fuerit excommunicatos et aggrauatos publice denuncietis et tandem cum capellanis et clericis superpelliciis indutis cruce erecta aquam benedictam aspergendo ad fugandum demones qui eos tenent sic ligatos et in eorum laqueos cathenatos orando quod dominus noster Ihesus Christus ad catholicam fidem et sancte matris ecclesie gremium reducere dignetur ne eos in tali duricia et peruersitate permittet dies suos finire dicendo et cantando responsorium ♦ Releuabunt celi iniquitatem Iude et psal<m>um ²⁵ Deus laudem meam ^a ne tacueris quo finito ad ianuas ecclesiarum uestrarum una cum clericis et parochianis uestris accedatis et ad terrorem ut cicius ad obedienciam rediant ²⁶ tres lapides uersus ipsorum habitacionem proiciendo in signum perpetue malediccionis quam dedit deus Daton et Abyron ^b quos terra uiuos absorbuit tam diu quousque aliud a nobis uel superiori nostro receperitis in mandatis ♦ Et <si> ²⁷ prefati dominus Petrus episcopus et Nicolaus intrusus ac alii contradictores et rebelles seu cum eis rebelliter participantes huiusmodi excommunicacionem aggrauacionem et denunciacionem per duodecim dies post execucionem presencium in portis seu locis antedictis factam inmediate sequentes quorum xii dierum quatuor pro primo iiii pro secundo et reliquos quatuor dies eis et eorum cuilibet pro tercio et peremptorio termino ac monicione canonica prefigimus et assignamus animis eorum quod absit sustinuerint induratis cum extunc contra tales tanquam dominici gregis infectiuos non inmerito ad grauiora sit procedendum unde qui unica non contenti pena plures contra tales pene sint affligende idcirco auctoritate apostolica supradicta per presens publicum edictum modo et forma quibus supra legendum et publicandum. uos omnes et singulos supradictos et presertim ecclesiasticos tenore presencium requirimus et monemus quatinus in presencia dictorum dominorum Petri episcopi et Nicolai intrusi ac aliorum contradictorum et rebellium excommunicatorum denunciatorum et aggrauatorum in quibuscumque tam cathedralibus quam collegiatis parochialibus conuentualibus regularibus et secularibus ecclesiis capellis et locis ad quas seu que iidem excommunicati et aggrauati peruenerint et se declinauerint parochialibus sub quibus degunt et morantur. ecclesiis cessetis et quantum in uobis fuerit faciatis et permittatis cessari a diuinis quem quidem cessum per tres dies post ^{28 *} cuiuslibet eorum recessum obseruetis et ab aliis faciatis obseruari. ♦ Uerum si prefati excommunicati et aggrauati per alios xii dies prefatos. xii inmediate sequentes in suis perstiterint pertinaciis seu sorduerint cum salutis diffidencia ulterius Pharaonis maliciam imitando more male ²⁹ aspidis obstinati et uobis de eorum obediencia non constiterit extunc proxime dictis xii diebus elapsis quos eciam eis pro termino peremptorio ac monicione canonica assignamus in omnibus locis ubi ipsos seu ipsorum aliquem morari seu deuenire contigerit aut in quibus iurisdiccionem in spiritualibus uel temporalibus exercuerint per se uel alium seu alios que loca quamdiu ibidem fuerint propter eorum contumaciam et rebellionem ecclesiastico supponimus interdicto cessantes quoque et cessari facientes apertis ianuis et in presencia populi a diuinis ac interdictum huiusmodi ad octo dies post ^{30 *} cuiuslibet eorum recessum abinde striccius obseruetis et quantum in uobis. fuerit faciatis obseruari ita quod nulla sacramenta ecclesiastica in eis ministrentur. nisi penitencia et baptismus omnibus indifferenter eukaristia infirmis tantum et matrimonium sine sollempnitate ecclesiastica contrahatur. decedentibus inibi ecclesiastica sepultura denegetur. intimantes eciam eisdem atque uobis quod contra ipsos grauius eorum contumacia perseuerante procedemus iusticia mediante ♦ Si uero prefati domini Petrus episcopus et Nicolaus intrusus ac alii supradicti et cum eisdem rebelliter participantes huiusmodi excommunicacionis aggrauacionis et reaggrauacionis sentencias per triginta dies prefatos uiginti quatuor dies immediate sequentes animis eorum quod absit sustinuerint induratis Pharaonis duriciam adhuc imitando ad sancte matris gremium dei timore postposito redire non curantes extunc contra eos sic obstinatos auxilium brachii secularis non inmerito sit inuocandum ♦ Unde mucrone non perficiente ecclesiastico temporalis gladius de iure suffragetur. et quos timor dei a malo non reuocat temporalis saltim coherceat seueritas discipline ♦ Hinc est quod uos illustrissimum principem et dominum dominum Romanorum regem semper Augustum tanquam principalem huius temporalis gladii uibratorem et prefamosum iusticie zelatorem ad exequcionem presencium in domino exhortamur. ac uos dictos archiepiscopos et episcopos uestrosque et cuiuslibet uestrum in spiritualibus et temporalibus uicarios seu officiales nec non illustrissimum principem et dominum dominum Dacie Swecie et Norwegie regem ceterosque duces marchiones lantgraueos comites burgraueos barones nobiles terrarum dominos milites armigeros aduocatos ca<st>ellanos ³¹ capitaneos magistros ciuium consules et proconsules scultetos iudices et officiales per prouincias ciuitates et dioceses antedictas ac alias ubilibet constitutos communiter uel diuisim dicta auctoritate apostolica qua fungimur. in hac parte requirimus et monemus primo. secundo tercio et peremptorio uobisque nichilominus et uestrum cuilibet in uirtute sancte obediencie et sub penis supradictis quas <incurrere uolumus> ³² ipso facto nisi feceritis quod mandamus districte precipiendo. mandantes/ quatinus infra sex dies ³³ postquam pro parte dicti domini. Erici principalis fueritis requisiti seu alter uestrum fuerit requisitus inmediate sequentes quem eciam terminum uobis omnibus et singulis supradictis pro omni dilacione ac canonica monicione assignamus prefatos Petrum episcopum et Nicolaum intrusum ceterosque contradictores et rebelles ac cum eis rebelliter participantes ad parendum et obediendum huiusmodi nostris processibus per arrestacionem detencionem et occupacionem fructuum reddituum et prouentuum rerum et bonorum suorum quorumcumque mobilium et immobilium nec non per capcionem inuasionem et incarceracionem personarum corporum et rerum ipsorum inobediencium contradictorum et rebellium ubicumque locorum existencium compellatis/ fructusque redditus et prouentus ac res et bona eorundem ipsi domino Erico principali tradatis et assignetis satisfactis tamen de laboribus uestris competenter ipsosque dominum Petrum episcopum et Nicolaum intrusum ac alios supradictos sic ut premittitur excommunicatos aggrauatos et reaggrauatos capiatis personaliter et incarceretis absque tamen magna corporis lesione ipsosque captos et incarceratos detineatis ac detineri faciatis donec ipsi domino Erico possessionem dicte prepositure uacuam liberam et expeditam dimiserint realiter et cum effectu ac nostris ymmo uerius apostolicis paruerint processibus et mandatis et ad sancte matris ecclesie gremium redierint absolucionisque beneficium meruerint obtinere super quibus omnibus et singulis uobis et uestrum cuilibet licenciam et potestatem apostolica auctoritate predicta concedimus et impartimur per presentes ♦ Quod si uos pater illustrissime inter omnes principes magnificus iusticie executor presentis nostri processus et mandati ymmo uerius apostolici transgressor uel contradictor fueritis quod tamen de uestra serenitate prefulgida obediencia suspicari non sinit procul dubio uos huiusmodi sentenciis nolumus sic ligari uobis ob maiestatem uestram merito deferentes intuitu tamen iusticie et ob apostolice sedis [r]eue[ren]ciam uestram serenita[tem] ad pref[atorum] execucionem quod ³⁴ ad uestrum serenissimum culmen pertinet in domino exhortamur ♦ Uerum eciam [si] uos reuerendi ³⁵ patres et domini archiepiscopi et episcopi premissa omnia et singula non executi f[uer]itis seu neglexeritis contumaciter adimplere uobis reuerenciam uestrarum pontificalium dignitatum uolumus deferre in hac parte exnunc prout extunc et extunc prout exnunc sex dierum canonica moni[cio]ne premissa ingressum ecclesie interdicimus in hiis scriptis ♦ Si uero huiusmodi interdictum sustinueritis per alios sex dies prefatos sex inmediate subsequentes uos et uestrum quemlibet s<icut> ³⁶ rebellem et inobedientem suspendimus a diuinis/ ♦ Uerum si prefati interdicti et suspensionis sentencias per alios sex dies prefatos duodecim dies inmediate sequentes sustinueritis animis quod absit induratis exnunc prout extunc et extunc prout exnunc uos et uestrum quemlibet una cum omnibus et singulis inobedientibus et rebellibus superius descriptis excommunicacionis sentencia innodamus. loca uero audiencie contradictarum domini nostri pape ac ualuarum seu portarum antedictarum tanquam publica et ydonea ad presentes nostros processus publicandum ad instar edictorum publicorum que olim in albo <o>rio ³⁷ scribebantur ^c duximus eligenda/ que suo quasi sonoro et patulo iudicio publicabunt in quibus presentes nostros processus decreuimus publicandos ne prefati si moniti et requisiti aliquam ignoranciam pretendere ualeant seu eciam alegare ³⁸ ♦ Uolumus nichilominus et auctoritate apostolica mandamus hunc nostrum processum penes eundem dominum Ericum uel procuratorem suum ³⁹ remanere et non per uos uel aliquem uestrum contra ipsius domini Erici uel procuratoris sui ⁴⁰ uoluntatem quomodolibet detineri ♦ Contrarium tamen facientes prefatis nostris sentenciis eo [m]odo quo late sunt uolumus sic ligari ♦ Mandamus tamen copiam fieri de premissis licite petentibus et habere uolentibus petencium tamen sumptibus et expensis ♦ Absolucionem uero omnium et singulorum qui prefatas nostras sentencias seu e<a>rum ⁴¹ aliquam incurrerint seu incurrerit quo[quo]modo ⁴² / nobis uel superiori nostro tantummodo reseruamus ♦ In quorum omnium et singulorum fidem et testimonium premissorum presentes nostros processus fieri et per Hinricum notarium publicum nostrumque et huiusmodi cause coram nobis scribam infrascriptum subscribi et publicari mandauimus nostrique sigilli quo racione decanatus utimur iussimus appensione communiri ♦ Datum et actum Rome apud sanctum Petrum in palacio causarum apostolico in quo iura reddi solent nobis inibi mane hora causarum ad iura reddendum pro tribunali sedentibus sub anno natiuitatis domini m^o.cccc^o.iii^o indiccione undecima pontificatus s[upra]dicti [d]omini nostri pape anno quarto decimo presentibus ibidem discretis uiris magistris Iohanne Gruter et Iohanne vten Eyelswerd notariis publicis nostrisque scribis clericis Coloniensis et Traiectensis diocesium testibus ad premissa uocatis specialiter et rogatis.
Et ego Henricus Braedbek de D[y]nslaken clericus Coloniensis diocesis publicus apostolica auctoritate notarius ac uenerabilis et circumspecti [d]omini domini Hermanni auditoris prenominati huiusmodique cause coram eo scriba quia predictis aggra[ua]cioni auxilii brachii secularis inuocacioni omnibusque etiam aliis et singulis premissis una cum prenominatis testibus presens interfui eaque sic fieri uidi et audiui ideoque hoc presens publicum instrumentum per alium fideliter scriptum exinde confeci publicaui et in hanc publicam formam redegi signoque et nomine meis solitis et consuetis una cum dicti domini auditoris sigilli appensione signaui rogatus et requisitus in fidem et testimonium omnium premissorum.