In nomine domini amen ♦ Ego Sweno Saxstorp decanus Lundensis considerans uerbum beati Augustini in quadam omelia de senectute et senis hominis diuersis incommodis sic dicentis ♦ Quamuis morbus adesse non uidetur tamen tota uita senis egritudo est cuius ueritatem habeo non minus experiencia quam scriptura inuenioque quod cum omnibus generaliter et indifferenter maxime tamen senibus quibus mors est in foribus/ extrema insania est negocium anime in necessitatis articulum ¹ protrahere et differre redeunte igitur spiritu meo ad dominum qui dedit illum testamentum meum de bonis michi a deo concessis ad eius honorem et laudem ac anime mee remedium feceram et ordinaueram in hunc modum/ ♦ Primo ad fabricam Lundensis ecclesie in qua meam eligo sepulturam do et lego unam curiam in Syndra Hwidinge cum omnibus suis adiacenciis et pertinenciis uniuersis quam primo redemi de Tukone Olssun ² de hospitali pro uiginti solidis grossorum ac uiginti solidis Lybicensibus et postea de Laurencio Trugilli et matre sua Margareta iuste empcionis et scotacionis tytulo coram uenerabili patre domino Nicholao archiepiscopo Lundensi felicis recordacionis acquisiui in qua residet Olauus Andree dans nunc pro pensione quatuor solidos annone et habens in estimacione tres marchas denariorum bonorum et unam oram annone cuius redditus siue pensio libere cedat ecclesie supradicte ♦ Item confero ad fabricam dicte Lundensis ecclesie curiam meam in Malmøghæ sitam quam habet in conductu Gyslæ relicta condam Iacobi Alfsun pro annua pensione quinque marcharum argenti omni anno certo termino soluendarum tali condicione quod tutores dicte fabrice qui nunc sint uel qui pro tempore fuerint ³ duo aniuersaria de prefate curie pensione <teneant> ⁴ unum pro me cum una marcha argenti/ in choro Lundensi et inferius in ecclesia per modum qui sequitur diuidenda primo canonicis qui ipso die anniuersarii mei uigiliis et misse animarum interfuerint dabuntur duo solidi grossorum/ uicariis qui similiter interfuerint uiginti quatuor sterlingi celebrantibus missas inferius in ecclesia octo grossi/ prebendariis in choro qui similiter interfuerint ii grossi pauperibus scolaribus et aliis mendicantibus decem grossi item predicatoribus ii grossi ⁵ item fratribus minoribus ii grossi item monialibus Lundis ii grossi pulsantibus in turri ii grossi item secundum aniuersarium uidelicet Bertholdi Piil et Benedicte uxoris sue et sororis mee dicti tutores consimili modo ut meum de antedicta curia teneant residuum uero pensionis curie pro usibus dicte fabrice Lundensis ecclesie reseruetur ♦ Item confero ad collegium sacerdotum parrochialium Lundis tabernam meam iuxta lapidem piscium ad partem orientalem sitam contiguam taberne Nicholai Hemmingssun quam emi et habui de Eskillo Nielssun condam ciue Lundensi cum adiacenciis et pertinenciis suis uniuersis/ hac condicione quod dicti sacerdotes duo aniuersaria tenere debeant omni anno apud altare eorum in dicta Lundensi ecclesia unum pro anima fratris mei domini Ione Saxtorp sequenti die post anniuersarium suum habitum in choro cum una missa cantata et duabus missis lectis cum recommendacionibus ut moris est ad eius sepulcrum alterum uero pro me et parentibus meis eciam sequenti die post aniuersarium meum in summo choro celebratum consimili modo et cum totidem missis ut superius est expressum pensio uero dicte taberne in tres diuidatur partes equales prima cedat ipsis sacerdotibus qui in anniuersario et missis predictis presentes interfuerint et ad offerendum secunda pauperibus scolaribus et aliis me<n>dicantibus ⁶ erogetur et tercia usibus dicti collegii reseruetur ♦ Item domino meo gracioso domino Iacobo archiepiscopo Lundensi unam crateram argenteam cum uno missali ♦ Item capitulo Lundensi librum qui dicitur Repertorium iuris cum pluribus libris in uno uolumine quem condam possedit dominus Nicholaus Bunkæflo ♦ Item domino preposito unum cornu deargentatum ♦ Item domino archidiacono i cornu ♦ Item domino cantori i coclear argenteum signatum cum ueronica ♦ Item domino Petro Duæ compendium theologie item sibi x lances Pragensis facture cum ^{* 7} totidem paruis scutellis stanneis ♦ Item domino Iohanni Iacobi i coclear argenteum ♦ Item domino Uffoni i pund brasei ♦ Item domino Hartuico i par flaskonum ♦ Item domino Iohanni Most partem de rosario a<r>chidyaconi ⁸ . ♦ Item domino Laurencio Achonis librum qui dicitur Mandagotus ♦ Item domino Eskillo unum par cultrorum facture Pragensis ♦ Item domino Siuido i candelabrum cupreum ♦ Item domino Nicholao Twonis racionale diuinorum officiorum ♦ Item domino Petro Michaelis librum de doctrina christiana qui incipit. Moyses cum quo loquebatur dominus et glosam super psalterium ♦ Item domino Michaeli Thurssun librum de uiciis et remediis contra uicia ♦ Item domino Petro Th<r>ygilli ⁹ lecturam quandam super decretales ♦ Item domino Benedicto encherideon beati Augustini cum exposicione genesis ♦ Item domino Petro Ysacsson legisterium in latino ♦ Item domino Iacobo de Høghby formam iudicialem ♦ Item domino Mathie Benedicti questiones ethicorum. ♦ Item domino Iacobo Magni scolastico i librum sermonum de aduentu domini quem habet ♦ Item domino Nicholao Stephani sacriste unum mantellum subductum cum uariis ♦ Item domino Laurencio custodi chori ¹⁰ laternam meam manualem ♦ Item domino Iohanni Bosun i. librum sermonum qui incipit Contra Faustum et librum beati Augustini de uera innocencia ♦ Item domino Petro Fwgl epistolas cum ewangeliis extractum biblie et Summam Io ¹¹ Beleth ♦ Item domino Iohanni Iacobi iuniori i extractum biblie ♦ Item domino Thrygillo Benedicti i librum sermonum qui incipit Aspiciebam in uisione noctis ♦ Item deputo breuiarium meum uendendum pro prompta pecunia taliter diuidenda primo fabrice ecclesie Lundensis i marcham argenti uicariis unam marcham argenti pauperibus scolaribus et aliis mendicantibus i marcham argenti item monasteriis Omnium sanctorum/ monialium predicatorum et minorum cuilibet eorum ii solidos grossorum/ pro ipsorum monasteriorum reparacione item fratri Ingemaro lectori predicatorum i solidum grossorum cuilibet fratri sacerdoti ibidem iiii^or grossos item fratri Petro Sommer in Ystadh i solidum grossorum item fratri Recharo lectori fratrum minorum Lundis i solidum grossorum item infirmis in domo leprosorum Lundis i solidum grossorum et domui sancti spiritus Lundis i solidum grossorum et si dominus Iohannes ¹² Most pecuniam superius expressam soluere et erogare uoluerit in redimendo ipsum breuiarium omnibus aliis preferatur ♦ Item ecclesie mee parrochiali uidelicet beati Michaelis cui teneor i marcam argenti iii solidos grossorum item presbitero ibidem i tunicam duplatam ♦ Item ecclesie sancte crucis/ ecclesie minori/ beate uirginis et ecclesie beati Nicholai Lundis ¹³ / cuilibet earum i solidum grossorum ♦ Item ecclesiis meis infrascriptis uidelicet Arestathæ in Hallandia Strø in Gythingahæret Skarby Stangby et ecclesie beati Olaui in Skanør cuilibet earum i solidum grossorum item cuilibet uicario apud easdem ecclesias vi grossos item cuilibet ministro apud easdem ii grossos quam quidem pecuniam quilibet uicarius de ecclesia sua ex pensione mea s[oluere teneatur.] ♦ Item ecclesie Saxtorp i [par uestium] missalium/ presbitero ibidem domino Fathero i tunicam duplatam item ministro ibidem iiii^or grossos ♦ Item domino Petro in Borandaholm i paruum balteum argenteum item sibi passionarium meum cum aliis libris meis quos prius habuit in concesso ♦ Item scolari Achoni Magni quem penes se habet idem dominus Petrus formularium meum de modis dictaminum cum aliis libris gramaticalibus ♦ Item domino Petro Asceri i caldarium braxatorium cum una magna olla ♦ Item domino Iohanni Segoti cognato meo unum par uestium brunei coloris canonem meum et sellam meam cum freno ♦ Item Michaeli Diagn paruas libras argenteas cum trutinis ♦ Item amico meo dilecto Throgoto Haas i cornu deargentatum quod habet ♦ Item domine Cristine uxori sue i circulum aureum ♦ Item Esberno Knutsun i cornu ♦ Item uxori sue Cristine i litteram auream dictam S. ♦ Item Ione Saxtorp caldariam meam braxatoriam cum doleis et aliis instrumentis ad hoc requisitis i mortarium cum pila i nigram ollam lauatorium cum pelui et legisterium meum in Danico item sibi omnes sues meas et i magnum candelabrum ¹⁴ ♦ Item Hannes Scriwære in Skanør i cornu quod habet ♦ Item uxori sue i coclear argenteum ♦ Item Thrugillo Petri i cornu ♦ Item uxori sue Agneti i coclear argenteum ♦ Item sorori sue Cecilie Ingemars i solidum grossorum ♦ Item domine Benedicte moniali apud sanctum Petrum Lundis i fibulam auream ♦ Item Aconi Magni i cornu ♦ Item Petro Thorssun de Fylestathæ ii pund ordei ♦ Item mendicantibus in Saxtorp i oram annone ♦ Item Aconi Gunnarssun i cistam ♦ Item Cecilie uirgini filie eius quinque ulnas panni blauii coloris ♦ Item Petro famulo meo . iii solidos grossorum ♦ Item ad scolas Lundenses i librum de cantu/ ♦ Item uxori Pet<ri> ¹⁵ Thorssun i tunicam rubeam ♦ Exsecutores huius testamenti et persecutores ultime mee uoluntatis constituo honorabiles uiros et discretos uidelicet dominos Iohannem Most .N. Twonis concanonicos meos Lundenses dominum ¹⁶ Petrum Asceri de Rethersløf Ionam Saxtorp et Aconem Gunnærssun rogans eos propter deum ut sic testamentum predictum deducant ad effectum ut in oculis omnipotentis dei complaceat et eis cedat ad meritum et michi ad uitam eternam ♦ In cuius rei testimonium sigillum meum una cum sigillis predictorum exsecutorum meorum presentibus est appensum ♦ Datum anno domini m^o. cd^o. quarto ipso die beatorum apostolorum Philippi et Iacobi