Bonifatius etcetera. dilecto filio Petro Iohannis Danmark canonico Lundensi salutem etcetera. ♦ Uite ac morum (---) spetialem/ unum in Lundensi et alium in Roskildensi ecclesiis canonicatus in quaquidem ecclesia Roskildensi maiores medie et minores prebende fore noscuntur cum plenitudine iuris canonici apostolica tibi auctoritate conferimus et de illis etiam prouidemus/ necnon unam in Lundensi et aliam in Roskildensi ecclesiis predictis prebendas/ ex huiusmodi mediis aut minoribus prebendis/ si que uacant ad presens uel cum simul aut successiue uacauerint quas tu per te (---) duxeris acceptandas conferendas tibi post acceptacionem huiusmodi cum omnibus iuribus et pertinentiis suis donacioni apostolice reseruamus districtius inhibentes uenerabilibus fratribus nostris .. ¹ archiepiscopo Lundensi et .. ² episcopo Roskildensi ac dilectis filiis dictarum ecclesiarum capitulis ac illi uel illis ad quem uel ad quos in ipsis ecclesiis prebendarum huiusmodi collacio prouisio presentatio seu queuis alia disposicio communiter uel diuisim pertinet ne de huiusmodi prebendis interim etiam ante acceptacionem eandem nisi postquam eis constiterit quod tu uel procurator predictus illas nolueritis (---) numero et quibuscumque aliis statutis et consuetudinibus dictarum ecclesiarum illis presertim quibus caueri dicitur quod nullus in ipsa ecclesia Roskildensi mediam prebendam assequi possit nisi de minori ad mediam prebendam gradatim et per opcionem ascendat/ contrariis (---) quauis auctoritate in eisdem ecclesiis in canonicos sint recepti uel ut recipiantur insistant. seu si super prouisionibus sibi faciendis de canonicatibus et prebendis in ipsis ecclesiis spetiales aut aliis beneficiis ecclesiasticis in illis partibus generales (---) quibus omnibus preterquam auctoritate nostra in ipsis ecclesiis receptis uel prebendas expectantibus in eisdem te in assecucione prebendarum huiusmodi uolumus anteferri/ sed nullum per hoc eis quo ad assecucionem prebendarum aut beneficiorum aliorum preiudicium generari/ seu si ei<s>dem ³ archiepiscopo episcopo et capitulis uel quibusuis aliis (---) quodque de canonicatibus et prebendis ipsarum ecclesiarum uel aliis (---) consuetudinibus ipsarum ecclesiarum solita iuramenta dummodo in absentia tua per procuratorem ydoneum et cum ad ecclesias ipsas accesseris corporaliter illa prestes/ seu quod ut asseris parrochialem ecclesiam sancti Nicolai Lundensis et altare sancti Laurentii situm in parrochiali in Malmowe Lundensis diocesis/ ac quandam perpetuam uicariam in dicta Lundensi ecclesiis/ quequidem altare et uicaria sine cura sunt nosceris obtinere/ ♦ Uolumus autem quod post quinquennium a data presentium computandum uigore earundem aliquam prebendam nequeas acceptare seu de illa tibi facere prouideri/ quodque in illa ex Lundensi et Roskildensi ecclesiis predictis in qua prebendam huiusmodi forsan non acceptaueris nec de illa tibi feceris prouideri/ extunc canonicus esse desistas/ decernentes irritum et inane si secus actum fuerit in premissis/ ♦ Nos enim. tecum ut canonicatum et prebendam ecclesie Lundensis predictos si illos presentium uigore assequaris recipere et una cum dicta uicaria quoaduixeris retinere libere et licite ^a ualeas generalis concilii et quibuscumque aliis constitucionibus apostolicis ac statutis et consuetudinibus predictis et aliis contrariis nequaquam obstantibus auctoritate apostolica tenore presentium de speciali gracia dispensamus. prouiso quod canonicatus et prebenda ecclesie Lundensis ac uicaria huiusmodi debitis obsequiis non fraudentur/ ♦ Nulli ergo (---) constitucionis dispensacionis et uoluntatis (---). ♦ Datum Rome apud sanctum Petrum tertio idus augusti anno quintodecimo/