Allererwirdgester vater vnde besunder herre/ ♦ Euwer veterlichkeit briff haben wir wol vornomen in dem ir erst ber{ue}ret von Olaff Iensson burger czu Nexe vff Bornholm / wie der von vnserm scheffer / dem got gnedig sie als her czu Danczk czu segeln muste/ mit andern euwern luthen gefangen wart/ vnd begert die selben ledig czu lassen/ mit irem gutte ♦ Geruchet czu wissen erwirdiger herre/ das die allerdurchluchste frouwe konigynne von Denemarken etcetera vff desse czit ere erbare botschaft/ bie vns hat gehat/ vnd ist begernde alle die gefangen gentzlich ledig czu lassen/ die vnser luthe in dessem krige gefangen haben/ do kegen sie ouch alle die vnsern/ die von. den eren gefangen ¹ * woren frey vnd los hat gegeben/ vnd alleyne in den teydingen des fredes begriffen wart/ das die gefangen von beyden syten nicht gentzlich/ sunder bis czu dem nesten tage solden fry gelassen sien/ ydoch so wellen wir yrs willen dor ynne gerne volgen vnd nicht alleyne/ yre luthe/ sunder alle andre gefangen/ beyde euch vnde andre/ vs den landen angehorende/ gentzlich ledig vnd los geben wellen/ ♦ Vortme als euwer herlichkeit begernde ist/ vnser stete czu berichten/ euch glich czu thun/ vor die schaden die an euwer kirchen gutter/ mit roube vnd brande sint gescheen/ yn dessem krige ♦ Allererwirdgster herre vnser stete sint ouch vff desse czit/ bie vns gewest/ mit den wir von euwer wegen gesprochen haben/ vnd synt also eyns worden/ das vns ² nicht moglich dunkt/ noch pflichtig sien eyngerley schaden vff czu richten/ die bynnen vffenem krige synt gescheen/ wend wir des kriges aneheber nicht sient gewest ♦ Ouch ist vns vnd den vnsern bynnen den krigen gros schade gescheen/ do von vns keyne glichheit geschiet/ sunder liber herre/ ist euwer erwirdikeit adir den euwern bussen den krige eyngerley schade von den vnsern entstanden/ do wellen wir euwer veterlichkeit guttes rechtes obir helfen/ ap euwer herlichkeit ymands yn vnsere land ein semelichs czu vordern senden wil/ die wir ouch geleytten wellen. yn vnsere land vnd sichern vor den vnsern/ vnd euch als{oe}stwo wir kunnen gerne beheglich wellen werden noch vnsern vornomen ♦ Datum etcetera.