Omnibus presens scriptum cernentibus Cristiernus Hemmingi prepositus Roskildensis salutem in domino ♦ Nouerint uniuersi presentes et futuri me a discreto uiro Hennikino Mwle ciue Roskildensi armigero curiam suam Ionstorp quam de nouo edificaui in parrochia Oostædhe in Wolburgsheret sitam pro duodecim marchis argenti in pignere recipisse. seruandis tamen condicionibus sequentibus ♦ Primo uidelicet quod dictam curiam a festo purificacionis. beate uirginis immediate sequente et sic per duodecim annos continuos immediate subsequentes libere in mea potestate et possessione habeam secundum meum usum ordinandam ita tamen quod eidem Hennikino Mwle in quolibet anno de summa principali unam marcham argenti defalcem illis uero duodecim annis transactis dicta curia ad ipsum Hennikinum seu suos heredes cum edificiis et inquilinis libere redeat sine impedimento principali summa totaliter defalcata hoc eciam addito quod si casu proposito contigerit ipsum Hennikinum dictam curiam infra dictos duodecim annos uel suos heredes uendere uel alienare extunc ego omnibus aliis in alienacione dicte curie debeo preferri pro precio competenti ♦ Item idem Hennikinus Mwle seu heredes sui ad apropriandum michi et meis heredibus dictam curiam obligantur prout in litteris ^a suis super hoc confectis patet euidenter ♦ In cuius rei testimonium sigillum meum una cum sigillis honorabilium uirorum dominorum Iohannis Brynikini cantoris Roskildensis magistri Nawnonis canonici ibidem et Benedicti Bille proconsulis Roskildensis presentibus est appensum ♦ Datum anno domini m^o c^od quinto feria quarta ante festum purificacionis beate uirginis gloriose.