Omnibus presens scriptum cernentibus/ Efrardus Møltikæ de Helsingæ armiger/ salutem in domino ♦ Notum facio uniuersis quod recognosco me ex sano et deliberato animo religiosis uirginibus monialibus conuentus sancte Agnetis Roskildis bona mea uidelicet unam curiam meam quartam terre habentem et tria pund anone ¹ pro pensione annuatim dantem in Ryghæ in Løwæheret sitam in qua pronunc quidam Petrus Boyæ residet cum omnibus et singulis ipsius curie pertinenciis ob remedium et salutem anime mee et parentum meorum libere donasse et scotasse iure perpetuo possidenda cum condicionibus infrascriptis uidelicet quod dictam curiam sub ordinacione mea sine pensione ad dies meos habeam libere pro usibus meis ordinandam/ ♦ Item quandocumque de hoc seculo transiero extunc dicta curia cum familia. edificiis et pertinenciis suis predictis ad dictum conuentum sine reclamacione mea et heredum meorum quorumcumque libere reuertatur ♦ Item quod dicte moniales post obitum meum aniuersarium ² meum et parentum meorum Roskildis in claustro suo semel in anno de redditibus dictorum bonorum annuatim faciant celebrari ♦ Item obligo me et heredes meos ad apropriandum et disbrigandum dictis monialibus prefata bona ab impeticione quorumcumque ♦ In cuius rei testimonium sigillum meum una <cum> ³ sigillis honorabilium dominorum uidelicet domini Cristerni prepositi Roskildensis et domini Iohannis Hemmingi sacriste ibidem presentibus est appensum ⁴ . ♦ Datum anno domini m^o cd^o quinto in profesto sancti Luce ewangeliste.