Uniuersis Christi fidelibus ad quorum noticiam deductum fuerit presens scriptum. Petrus dei gracia episcopus Roskildensis salutem in domino. ♦ Quoniam uite presentis condicio diatim uisibiliter dicitur ac non esse nichilque supererit de bonis hominum transitoriis nisi que pie manus communicare studuerint in pios usus quod nos predictis fideli consideracione indagine memoriter reuoluerimus cupientes quanto nobis ex alto conceditur bona transitoria felici commercio in eterna commutare ut fructus centesimos Christi fidelibus repromissos prestante domino ualeamus securius exspectare ♦ Idcirco in honorem omnipotentis dei anime nostre animarumque parentum nostrorum pariter et heredum salutem et remedium pro una capella siue uicaria perpetua per nos fauente domino fundanda et construenda in ecclesia nostra Roskildensi et in honorem sancti Sigfridi et omnium sanctorum consecranda ex deliberato consilio et unanimi consensu dilecti capituli nostri Roskildensis deputamus et assignamus inter uiuos uirtute presencium litterarum pro perpetua possessione omnia et singula bona nostra ♦ Primo in Mærløsæheret in Æskilstorp septem oras terrarum in censu cum tribus inquilinis ibidem. ♦ Item in Æsgæsthorp sex oras terrarum in censu cum tribus inquilinis ibidem cum una terra iacente in Rwthæ ♦ Item bona nostra in Skyppingsheret primo uidelicet in Skyppingæ unam curiam dantem quatuor pund in qua habitat Iohannes Iwl cui adiacent quindecim solidi terrarum cum dimidio ♦ Item unam curiam ibidem quam inhabitat quidam Magnus dans unam oram de sex solidis terrarum ♦ Item unam curiam quam inhabitat Petrus Rawæ dans unum pund de quatuor solidis terrarum ♦ Item in Særsløf bona nostra uidelicet tres curias in quarum una habitat Ketillus dans sex pund de dimidio bool et quinque solidis terrarum in altera uero Iohannes Iacobi dans duo pund in tercia Petrus Hwas et Nicolaus Iacobi habitant dantes duo pund de dimidio bool ♦ Item omnia bona nostra in Tryningæ in Tutzeheret in parochia Kundby uidelicet primo duas curias uillicales in quarum una habitat quidam Benedictus Iohannis in altera quidam Iacobus Petri dantes pro annua pensione quinque pund annone cum duobus inquilinis ibidem ♦ Item tres curias ibidem quarum unam inhabitat Nicolaus Maw dans pro annua pensione septem pund annone cum quinque modiis alteram Nicolaus Petri dans pro pensione quinque pund annone exceptis quinque modiis terciam uero inhabitat quidam Iohannes Swensson d[ans pro pe]nsione tria pund ♦ Item octo oras terrarum ibidem in censu ♦ Item omnia bona nostra in Toghæruth in Biæwerskowsheret dancia annuatim tres marcas argenti ♦ Item omnia bona nostra in H[embek] Tutzeheret ♦ Item totum opidum Stenløsælidlæ in Iørlundæheret cum omnibus et singulis dictorum bonorum pertinenciis mobilibus et immobilibus humidis et siccis nullis penitus exceptis quibuscumque censeantur no[minibus] uidelicet domibus. estimacionibus. agris. pratis. pascuis piscaturis siluis molendinis et molendinorum locis ac omnibus aliis edificatis et desolatis una cum apertis litteris super qualicumque acquisicione dictorum bono[rum q]uomodocumque confectis cum omni iure nobis in eisdem bonis usque in presentem diem competenti sub modo et articulis qui sequntur ♦ Primo quod rector uel uicarius dicte capelle qui pro tempore fuerit cotid[ie] <sub> missa sacriste missam in dicta capella cantando sollempniter faciat celebrari taliter uidelicet quod in dominicis officium tenebit de tempore. in secunda uero quarta et sexta feriis pro defunctis. in tercia uero de apostolis. [in] quinta uero de sancto Sigfrido episcopo et confessore cum una collecta de omnibus sanctis et in sabbato de anima nostra. ♦ Item quod dictus rector uel uicarius duos scolares idoneos et bene cantantes ad seruiendum in dicta capella [te]nebit quos in expensis secum habeat uel cuilibet illorum duas marcas argenti erogabit annuatim ♦ Item dictus uicarius uel rector unum anniuersarium cum uigiliis nouem leccionum et missa pro defunctis in [qu]olibet anno de tribus marcis argenti in dicta ecclesia nostra Roskildensi teneri faciat ita uidelicet quod canonicis qui uigiliis missis predictis et commendacioni animarum interfuerint unam marcam argenti. perpetuis uicariis duos solidos grossorum. non perpetuis uicariis unum solidum grossorum. scolaribus superpelliciatis duos solidos grossorum. pauperibus scolaribus dimidiam marcam argenti. et aliis pauperibus dimidiam marcam argenti annuatim habeat erogare ♦ Item quod dictus rector uel uicarius festum dedicacionis ipsius capelle ipso die sancti Sigfridi et festum patrocinii die omnium sanctorum cum sermone et aliis requisitis et consuetis sollempniter faciat annuatim celebrari ♦ In cuius fundacionis et dedicacionis testimonium et firmiorem euidenciam sigillum nostrum cum sigillis dilecti capituli nostri Roskildensis predicti duximus apponendum. ♦ Datum Roskildis anno domini millesimo quadringentesimo quinto ipso die beatorum apostolorum Symonis et Iude.