Omnibus presens scriptum cernentibus Iohannes Skarpinbergh Tacho Nielsson milites Strango Nielsson Torchillus Jensson Nicolaus Nielsson Petrus Nielsson : Boecius Torchilsson Iohannes Nielsson Swrbwgh dictus et Petrus Kyrtt salutem in domino sempiternam ♦ Notum facimus uniuersis presentibus et futuris nos sub anno domini mcdvii^o die beate Prisce uirginis in placito Nørherrit Morssø presentes fuisse uidisse et audiuisse quod constitutus coram nobis et quam pluribus fidedignis honorabilis uir et discretus dominus Iohannes Pauli commendator in Duholm plenum et sufficiens testimonium discretorum ibidem habuit et produxit uidelicet Atzeri Vinttersson Petri Vilgribsson Palli Rinck Iohannis Druckin Iohannis Petri Petri Vilgribsson de Solbergh Mathe Boesson et Mangni de Fladde quod quidam nobilis domina Elena relicta domini Ebbonis Strangesson militis pie recordacionis in eodem placito coram multis fidedignis antea personaliter fuit constituta curiam suam Rolstorpp cum omnibus suis pertinentiis uidelicet agris pratis pascuis humidis et siccis nil excepto predicto domino Iohanni commendatori ex parte domus sancti Iohannis Iherosolimitani in Duholm in remedium dilecti mariti sui anime predicti Ebbonis Strangesson et sue suorumque filiorum ueraciter dedit et scotauit iure perpetuo possidendam hoc tamen adiecto quod fratres antedicte domus Duholm duas missas omni anno cuiuslibet ebdomade scilicet unam missam in secunda feria pro defunctis et alteram in sabbato in honore beate uirginis solempniter faciant celebrari ac eciam anniuersarium eiusdem domine Elene semel in anno cum xii presbiteris deuotius agere prouideant et eodem die xii pauperes ad mensam tamquam dominos in epulis et potibus ministrando decenter honorificent et pertractent ♦ Sicut uidimus et audiuimus ueritatis testimonium perhibentes in hiis scriptis ♦ In cuius rei testimonium sigilla nostra presentibus appensa ♦ Scriptum anno die et loco supradictis.