Rex omnibus ad quos (presentes littere peruenerint) salutem ♦ Sciatis quod nos de fidelitate probitate et circumspeccione dilectorum nobis Willelmi Esturmy militis et magistris Iohannis Kyngtona clerici plenissime confidentes ad tractandum et conueniendum cum nobili ac potente sacre religionis uiro fratre Conrado de Jungingen magistro generali ordinis beate Marie Theotonicorum Ierusalimitani seu ipsius ambassiatoribus uel. nunciis quibuscumque sufficientem potestatem et mandatum speciale ad hoc habentibus super quibuscumque questionibus contencionibus dampnis iniuriis excessibus riotis discordiis et debatis inter nos ligeos et subditos nostros et illos de Prucia et alios dicti magistri subditos quoscumque racione uel occasione arestacion<um> ¹ nauium ac aliorum uasorum capcionum bonorum et mercandisarum nomine marque seu reprisaliarum aut alio quouis modo uel occasione quacumque motis mutuo et exortis et huiusmodi questiones contenciones dampna iniurias excessus riotas discordias et debatas reformandum redressandum sedandum sopiendum finiendum terminandum pacificandum ac de et super eisdem componendum quecumque eciam transgressiones dampna mesprisiones excessus uiolencias et iniurias per nos ligeos uel subditos nostros dicto magistro generali uel ipsius subditis queuismodo indebite attemptata facta uel illata reformandum reparandum restaurandum et emendandum consimilesque restituciones reparaciones restauraciones et emendaciones de prefato magistro et deputatis suis pro se et subditis suis quibuscumque pro nobis et subditis nostris requirendum petendum et recipiendum necnon ad tractandum ulterius concludendum et conueniendum cum eodem magistro aut ambassiatoribus et nunciis suis predictis super quibuscumque confederacionibus ligis et amiciciis specialibus temporalibus uel perpetuis inter nos ligeos subditos regna et dominia nostra quecumque ac confederatos amicos et alligatos nobis quoscumque et presertim dominum Ericum dei gracia Dacie Swecie et Norwagie regnorum regem filium nostrum carissimum et ipsius regna ligeos et gentes ex una et ipsum magistrum subditos patrias et dominia sua quecumque ex parte altera ineundis ac de communicacionibus inter subditos hincinde in mercimoniis et aliis licitis secure et amicabiliter faciendis ac super omnibus et singulis articulis quantumcumque specialibus qui ligas confederaciones seu amicicias inter nos et predictum magistrum firmanda aut huiusmodi questiones contenciones dampna iniurias excessus riotas discordias et debatas mutuo reformanda concernere poterunt quouismodo cum eorum incidentibus emergentibus dependentibus et connexis/ quecumque insuper dies et loca ad expedicionem premissorum in parte uel in toto necessaria uel oportuna prefigendum limitandum et assignandum ac in eos et ea conueniendum et concordandum necnon omnia et singula que sic tractata conuenta promissa reformata finita et terminata et concordata fuerint cum omni securitate debita et honesta in hoc casu et hoc uice nomine nostro firmiter et inuiolabiliter obseruandum uallandum et firmandum consimilemque securitatem pro nobis et nomine nostro petendum stipulandum et recipiendum iurandumque in animam nostram quod nos tractata conuenta et concordata promissa reformata finita et terminata in hac parte rata habebimus et grata pariter et accepta nec aliquid procurabimus uel faciemus per quod tractata conuenta concordata promissa reformata finita terminata et concessa huiusmodi effectu debito frustrari poterunt seu quomodolibet impediri ac iuramentum consimile ab eodem magistro aut deputatis suis petendum exigendum et recipiendum ceteraque omnia et singula faciendum excercendum et expediendum que in premissis et circa ea seu eorum aliquod necessaria fuerint uel quomodolibet oportuna ac que qualitas et natura huiusmodi negocii exigunt et requirunt et que nosmet ipsi facere possemus si personaliter interessemus eciam si talia forent que mandatum exigerent quantumcumque speciale ipsos Willelmum Esturmy et Iohannem Kyngtona coniunctim nostros ueros legitimos et indubitatos procuratores begociorum gestores commissarios deputatos et nuncios speciales facimus creamus ordinamus deputamus et constituimus per presentes promittentes nos ratum gratum et firmum perpetuo habituros totum et quicquid per predictos Willelmum Esturmy et Iohannem Kyngtona actum gestum seu procuratum fuerit in premissis. ♦ Datum in palacio regis Westmonasterii sub magni sigilli regis testimonii sextodecimo de mensis februarii anno domini millesimo quadringentesimo se<ptim>o ² regni uero regis anno octauo. .