Omnibus presens scriptum cernentibus Sweno Iensson aduocatus in uilla Skanør Iohannes Ingeuersson proconsul Petrus Karlsson Axæl Iensson Matheus Haralsson Kanutus Gunnæsson et Petrus Krwss uillani ibidem salutem in domino ♦ Notum facimus uniuersis nos in placito nostro ciuili Skanør presentes fuisse uidisse et audiuisse quod quidam Kenikinus Wezel in eodem placito nostro propter hoc specialiter constitutus quandam bodam suam cum fundis edificiis et pertinenciis suis uniuersis in qua pistores in uico Trawenstræde in Skanør immorari solent ad borealem partem bode Borquardi Blome situatam cuidam Conrado Pløne in dicto nostro placito tunc presenti iusto uendicionis titulo alienauit scotauit et ad manus suas libere resignauit iure perpetuo possidendam qui quidem Conradus Pløne eodem die in dicto placito nostro sic ut premittitur personaliter constitutus predictam bodam una cum pertinenciis suis uniuersis cuidam conuillano nostro Iohanni Hardenstæde nunc proconsuli nostro qui tamen generaliter Iohannes Scriueræ nuncupatur eciam iusto titulo legaliter alienauit et ad manus suas libere cum omni iure quo dictam bodam optinuit et possedit resignauit iure perpetuo possidendam ♦ Que omnia et singula supradcita in dicto nostro placito Skanør sic rite et licite fieri uidimus et audiuimus eaque ibidem sic legaliter facta fuisse sub bona fide nostra testimonium perhibemus ueritati necnon in omnium et singulorum supradictorum euidenciorem cautelam sigilla nostra presentibus sunt appensa ♦ Datum anno domini m^ocd^o septimo feria sexta proxima post festum sancti Bartolomei apostoli.