Minen willigen schuldigen dinst zu uor ♦ Ersamen lieben herren ♦ Als ich mit mime herren herczoge Iohans etcetera gen Denmarcken kommen bin des sachen sich vaste virlengit hand beide uff wassir vnd lande als das er mit den sinen erst uff samstag noch Mathei gen Ripen kommen ist vnd dar nach uff den suntag bigeschlossen ♦ Des ist sin swagir der koning von Sweden Denmarcken vnd Norwegen nicht innelandis gewest vnd auch noch nit ist kommen ♦ Dar vmbe soliche sachen dar czu ich von vns erme herren deme Romschen koninge beschieden wart noch nit geendit sint dar vmbe ich etwas verre gen Sweden zu deme egnen koninge riden m{ue}sz das mir vaste swere ist vnd vngelegen nach deme als uwere sachen gelegen sint vnd han das auch mime herren deme herczogen vnd sinen reten vorgelacht di^e mir nicht erleuben wollen heim z{ue}riden ♦ Vnd di^e koninginne wil mit namen das ich mit den eren von mins herren wegen zu deme koninge gen Sweden ride ♦ Dar vmbe han ich bestalt das min herre der herczoge vnserme herren deme kon inge ernstlichen van uwern sachen wegen geschrieben hait uch zu versorgen das ir vmbe mins enbernisze icht schaden enphahit ♦ Her vmbe bitten ich uwere ersamekeit disz nicht virubel uff nemen wand ich viel liber by uch daheime were dan hi^e inne Denemarcken vnd Sweden ♦ Mochte ich mit enigen sachen abegebrechen vnd sochte ich nit das uch vnd mir virw{ie}sz enstonde van vnserme herren deme koninge wo enicherle{ye} vnraid inne mins herren herczogen sache viel ♦ Geben zu Ripen inne Denmarcken uff sante Dionisientaig vnder mime ingesegel