Gregorius (episcopus seruus seruorum dei) ¹ . uenerabili fratri Iohanni archiepiscopo Vpsalensi salutem (et apostolicam benedictionem) ² . ♦ Cum palleum insigne uidelicet plenitudinis pontificalis officii ex parte tua fuisset a nobis per dilectum filium Nicolaum Iohannis rectorem parrochialis ecclesie in Thoraby Ottoniensis diocesis nuncium tuum/ cum ea qua decuit instancia postulatum nos tuis supplicacionibus annuentes/ palleum ipsum de corpore beati Petri sumptum per uenerabiles fratres nostros .. ³ Arosiensem et .. ⁴ Scarensem episcopos tibi assignandum/ per prefatum Nicolaum duxerimus destinandum/ ut iidem episcopi uel eorum alter illud tibi assignent sub forma quam eis sub bulla nostra mittimus interclusum/ et a te nostro et Romane ecclesie nomine sub forma quam sub eadem bulla dirigimus fidelitatis debite solitum recipiant iuramentum. ♦ Tu autem illo intra ecclesiam tuam illis diebus duntaxat utaris/ qui expressi in ipsius ecclesie priuilegiis continentur/ ♦ Ut igitur signum non discrepet a signato/ sed quod geris exterius interius serues in mente/ fraternitatem tuam monemus et hortamur attente per apostolica tibi scripta mandantes quatinus humilitatem et iusticiam dante domino/ qui dat premia et munera elargitur obseruare studeas/ que suum seruant et promouent seruatorum/ et Vpsalensem ecclesiam sponsam tuam cures solicite auctore domino spiritualiter et temporaliter augmentare/ ♦ Datum Luce sexto idus iunii anno secundo/