In nomine domini amen ♦ Ego Ebbo Iohannis canonicus Ripensis et rector parrochialis ecclesie in Aal licet indignus noussima hominis considerans uolo michi diuina suffragante gracia in meorum expurgacionem peccatorum de bonis michi a deo et sua sancta ecclesia concessis testamentum meum iuxta terre consuetudinem ordinare uolens et mandans ut quandocumque me de hoc seculo migrare contigerit sine contradiccione tam heredum meorum quam aliorum michi quocumque titulo attinencium inconcusse uigorem habeat firmitatis saluo michi iure aliud testamentum condendi ♦ Primo ergo confero do et lego uenerabili in Christo patri ac domino meo Eskillo dei gracia episcopo Ripensi meos duos equos cum sellis et frenis ♦ Item fabrice ecclesie Ripensis ubi eligo sepulturam .x. marchas Lybicenses ♦ Item ad anniuersarium meum in ecclesia Ripensi per canonicos tenendum .xl. marchas Lybicenses ♦ Item domino Iohanni Helt archidiacono Ripensi florenum Lybicensem ♦ Item domino Nicholao Iohannis cantori florenum Rinensem ♦ Item domino Iacobo de Hwsby florenum ♦ Item domino Esgero florenum/ ♦ Preposito Kanuto florenum/ ♦ Preposito Ottoni i. nobyl et manutergium meum melius/ ♦ Item domino Nicholao Syøbo i nobyl cum almucio meo ♦ Item domino Petro Iohannis florenum. ♦ Item domino Thetlauo florenum cum ludo skacorum. ♦ Item domino Iacobo Iuari florenum. ♦ Item preposito Thome i nobyl et uiaticum meum ita quod omni anno pro anima domini Nicholai Tholson celebret .iiii^or. missas et post mortem suam leget alicui sacerdoti cui iniunget idem faciendum ♦ Item domino Iohanni Petri preposito in Witha i scutum Francorum ♦ Item domino Boecio coclear argenteum meum melius ♦ Item domino Hermanno Decn i. scutum Francorum cum pectine de ebure ♦ Item domino Iohanni Galn sellam nouam cum idria et pelui ♦ Item domino Iohanni Aseri manutergium cum pectine de ebure ♦ Item domino Henrico Thydisk superpellicium meum. ♦ Item sorori mee dilecte .xxx. marchas Lybicenses in bona moneta uestimenta mea aliis non legata et lectisternia cum cista et uolo quod in hiis pro hereditate sit contenta ♦ Item Cristine cognate mee tunicam meam de Araas cum capucio et antiquo palio ♦ Item filio eiusdem Cristine .ii. marchas Lybicenses quas sibi pro necessitatibus suis soror mea ministrabit ♦ Item quantum restat de pensione istius anni ad dotem ecclesie in Aal reparandam ♦ Item ad fabricam dicte ecclesie in Aal .iiiior. marchas Lybicenses ♦ Item ad fabricam ecclesie parrochialis in Wethel iiiior. marchas Lybicenses ♦ Item ad fabricam ecclesie in Emmerløf ii marchas ♦ Item domino Petro Swenonis plebano ecclesie beate uirginis dimidium nobyl ♦ Item domino Nicholao Petri sacriste i peluim cum quartali nobyl ♦ Item cuilibet monasterio Ripis l solidum grossorum ♦ Item cuilibet ecclesie parrochiali Ripis i solidum sterlingorum ♦ Item cuilibet uicario sacerdoti chorali prius non nominato i solidum sterlingorum et aliorum cuilibet vi sterlingos ♦ Item domino Nicholao Thorson vi marchas Lybicenses cum cultello argento ornato ♦ Item capellano meo in Aal i florenum ♦ Item cuilibet infirmorum in domo sancti spiritus l grossum ♦ Item sororio meo libros meos si et quando apparuerit testamentariis meis ♦ Item fratri Iohanni Michaelis i nobyl ♦ Item Laghoni promo curie episcopi Ripensis i solidum sterlingorum ♦ Item Iohanni Kok seruitori meo marcham Lybicensem ♦ Item Ebboni Tagyson cussinum cum manubrio de cypresso ♦ Item Iwaro Tagyson ceruical serico foderatum ♦ Item ea que ultra sunt in promptis disponantur ad pios usus iuxta uoluntatem testamentariorum meorum ♦ Exequtores autem testamenti mei ordino honorabiles uiros dominos. magistrum Ottonem prepositum in Warethsysel Nicholaum Syøbo. Thomam Petri prepositum in Harizsysel et Iohannem Galn petens eos et in domino rogans quatinus de premissis taliter ordinent prout coram deo uoluerint respondere ♦ In huius testamenti testimonium et cautelam firmiorem sigill<o> me<o> ¹ una cum secreto capituli Ripensis et sigillis testamentariorum meorum supradictorum hoc presens testamentum feci et iussi roborari. ♦ Actum et scriptum Ripis. anno domini. m^o.cd^o viii^o septimo ydus septembris.