Wir Iohanns etcetera bekennen etcetera daz wir Cunrad Muraher vnsern marschalk vnd lieben getruwen vollen vnd ganczen gewalt geben haben vnd geben auch wiszentlich mit disem brieff solich xl^m guldin so vns dann der durchluchtigiste furste vnd herre herre Ericke kunig czu Tenmarcke Sweden vnd Norwegen unszer lieber swager ¹ vnd bruder ² czu der hochgeborn furstynnen frauwen Katherine seiner swester vnser lieben hausfrauwe vnd gemaheln zu zugelte versprochen hat czugeben von vnsern wegen czuuordern vnd inczunemen vnd vns die mit wechsln oder anders herusz z{uo} bringen wÿe in daz dann aller fuglichste bequemlichste duncket sin ♦ Wir geben im auch vollen gewalt daz er den egenannten vnsern lieben swager vnd bruder kunig Erick und alle die die dann von des egenannten vnsers czugeltes wegen der xl^m guldein mit im darvnder gewant vnd darczu verbunden sint/ czumanen ob ez nit ³ geschycht nach vnser notdurfft vnd auch genczleichen da mit ⁴ einen igleichen czuüberkomen waz in dann czu einer igleichen czeit daz beste vnd bequemlichste duncket sein glicher wise als es wir das selber deten vnd czugegen weren ♦ Vnd wir versprechen vnd gereden auch bey vnsern furstlichen truwen waz der egenannte Conrad Muraher vnser marschalk also von vnsern wegen dar inne handelt vnd vberkomt ez sey mit monung wechsln oder anders daz daz genczlich vnser willen vnd wort ist und gereden auch das also stete vnd veste cz{uo}halten getruweleich an alles geuerde ♦ Vnd des czu vrkund geben wir ym dysen brieff versigelt mit vnserm anhangenden insygel\ ♦ Datum Amberg dominica Letare anno etcetera cccc^o ix^o.