Ik Clawes van Vitzen rydder mit mynen rechten eruen bekenne vnde betughe openbare in desseme breue dat ik hebbe vntfanghen van den erebaren luden borghermeysteren vnde rathmannen to deme Sunde ses hundert mark sundescher pennynghe de se my to danke wol beret hebben an dem breue den se her Vicke Baren vnde synen eruen gheuen hebben. dede spryckt vp dredusent mark vnde drehundert mark sundescher pennynghe ♦ Desser vorbenomen ses hundert mark sundesch late ik Clawes van Vitzen mit mynen eruen dessen vorbenomen borgher meysteren vnde ratmannen quyd leddych vnde loes. vnde se scholen dar sunder namanynghe umme blyuen ♦ To hogher be warynghe so hebbe ich myn ingeseghel ghe henget an dessen breff ♦ Schreuen tom Sunde na godes bort veerteynhundert yar in deme teynden iare des mandaghes na mytvasten der salyghen tiid.