Omnibus presens scriptum cernentibus. Sweno Petri dictus Mwse de Hærsleff salutem in domino ♦ Nouerint uniuersi. me honorabili uiro domino Folquino preposito Lundensi curiam meam in Hærsleff quam a qoudam Iohanne Mæyessun iusto empcionis titulo acquisiui. cum omnibus suis pertinenciis. uidelicet agris. pratis. pascuis. humidis et siccis. uendidisse. alienasse et placito generali Scanie scotasse et alienasse. ♦ Unde obligo me et heredes meos. dicto domino Folquino preposito et suis successoribus eandem prebendam suam canonicalem inposterum tenentibus. dictam curiam meam in Hærsleff. in qua personaliter nunc resideo in placito nostro prouinciali in Rønæbiær heret cum requisitus fuero. scotare apropriare et ab impeticione cuiuslibet disbrigare ♦ Insuper. si dicta curia in Hærsleff ab ipso domino Folquino aut suis successoribus per leges terre aliqualiter euicta fuerit. extunc obligo me et heredes meos. ad restituendum dicto domino Folquuino uiginti marchas argenti. bone et legalis monete. et ad conseruandum ipsum et suos successores indempnes et ab omni dampno releuatos. quod me<e> ¹ apropriacionis ob defectum incurrere poterint quoquo modo ♦ In cuius rei testimonium sigillum meum una cum sigillis uirorum discretorum. uidelicet. Nicolai ² Scriffwere Magni Baath consulis Lundensis. Ernesti Budde. Trugilli Gøthssun et Twonis Olaui. ciuium ibidem. presentibus est appensum ♦ Anno domini mcdx^o in uigilia pasce.