In nomine patris et filii et spiritus sancti amen ♦ Cum secundum mire paciencie uirum beatum Iob homo natus de muliere breui uiuens tempore repletur multis miseriis qui quasi flos egreditur et conteritur et fugit uelud umbra et numquam in eodem statu permanet ^a in parentum pudore concipitur et cetera mundum ingreditur a uilibus ortum inchoando dein progreditur in labore mundi tempestatibus fluctuando. sed tandem in dolore egreditur cum uermibus habitando. auis. enim ad uolandum nascitur et homo ad laborandum unde psalmus. exibit homo ad opus suum et ad operacionem suam usque ad uesperam ^b . ad uesperam demorabitur fletus. sed benedictus deus ad matutinum consurgit leticia ^c . et quia milicia est uita hominis super terram ^d et secundum beatum Paulum et ¹ Augustinum non habemus hic ciuitatem ruentem sed futuram inquirimus ^e tanto magis ac prudenter huius seculi caduci ciuitatem manentem ² exstat transeundum ut homo ad eterne felicitatis perueniat ciuitatem mane[ntem]. ♦ Hiis igitur consideratis. nos Iacobus dei gracia archiepiscopus Lundensis Swecie primas et apostolice sedis legatus. etsi corpore debilis mente tamen sanus. testamentum nostrum et ultimam uoluntatem de bonis nobis a deo collatis ordinamus et condimus in hunc modum. ♦ Primo ecclesie sancti Laurencii Lundis in qua nostram eligimus sepulturam xx marcas argenti. item domino nostro karissimo domino Erico regi Dacie etcetera unum cornu argenteum dictum gripsklo ³ et annulum aureum ⁴ cum lapide saphirio. item domine nostre graciose domine regine Margarete i ciphum argenteum. i anulum aureum cum saphiro et i caballum. item domine nostre Philippe i cornu deauratum ⁵ dictum gripsklo ⁶ et i anulum cum saphiro item domino Petro episcopo Roskildensi i anulum cum ymagine crucifixi. item successori nostro disponimus et damus pro mensa archiepiscopali ix ⁷ lances argenteas ii ⁸ parua salseria ii ⁸ pelues argenteas et i ⁹ magnum nap argenteum quod domina Margareta regina dedit mense archiepiscopali ii ¹⁰ amphoras argenteas Nesby et Nesbylom ¹¹ cum eorum adiacenciis. item xi chratheres argenteos dictos ¹² skale cum ii ¹³ yrtekar de argento. item damus altari nostro. in ecclesia Lundensi constructo. omnia bona que redemimus de domino Nicolao Yuari milite iacencia in Linby ¹⁴ Vemundehøysheret ¹⁵ edificata et desolata. i curiam in Sandagra de qua curia pro pensione datur marca argenti omnia bona nostra in Ønarp ¹⁶ Tulestorp ¹⁷ et Vestrevemunndehøy ¹⁸ . item i curiam in Vggløse ¹⁹ . molendinum Laremølle ²⁰ et magnam curiam nostram. in Malmøye ²¹ quam emimus a domino Folquino preposito Lundensi. item pro anniuersario nostro in choro Lundensi annuatim ²² tenendo iii ²³ curias in Borby quas emimus de Olauo Twessun de Eegby. item monasteriis Lundis predicatorum. minorum. omnium sanctorum. predicatorum in Aws ²⁴ . minorum in Ystat ²⁵ predicatorum in Helsingborgh ²⁶ . minorum in Threleborgh ²⁷ . Becceskow ²⁸ Øuith ²⁹ . Twmmarp ³⁰ Herizwathe ³¹ Byringe ³² . Bosie. monialium Lundis. predicatorum Halmstathe et monasterio Aas cuilibet istorum monasteriorum marcam argenti. item in domibus infirmiorum leprosorum Lundis Aws ³³ Ystath Twmmarp cuilibet ipsorum marcam Lybicensem inter infirmos deuidendam. item domino Iohanni Oolssun militi i nigrum gradarium quem dedit nobis dominus Roskildensis et i annulum aureum in quo crucifixus habetur. item domino Beroni Oolsun i annulum aureum. uxori sue anulum aureum. item domino Lydero Cabel annulum aureum cum dyamante. uxori sue annulum aureum cum ymagine beate uirginis. item domino Absaloni Anderssun annulum aureum. uxori sue annulum aureum ³⁴ . item domine Iese matertere ³⁵ nostre langam ³⁶ tunicam subductam cum uariis. item domino Hinrico Da anulum aureum uxori sue cornu deargentatum. item domino Alberto langam ³⁷ togam subductam cum marthskin ³⁸ . uxori sue annulum aureum. item domino Thrugo Has i nap deauratum et uxori i paruum nap deauratum. i[tem] domino Hinrico Ierardi i nap de argento et i ciffum deauratum. item domino Habrahe annulum aureum et uxori sue annulum aureum. item Hermano Ørz equicium nostrum [..] in [..] p [..] gl [..] argenteum ³⁹ . uxori sue ciffum argenteum cum pede. item Laurencio x marcas argenti. uxori sue i anulum aureum item Steen Basse i cornu deargentatum et uxori sue <i annulum aureum> item Petro Steen i ciffum argenteum cum Ueronica et uxori sue ii cratheres argenteos. item domine Cicilie de Harebyerghe i annulum <aureum item cuilibet> prelatorum ecclesie <nostre Lundensis i nobilum> item domino Petro Dwe i nobilum item domino Iacobo officiali nostro i nobilum. item domino M<ichaeli> Thuronis i nobilum item cuilibet canonicorum i florenum Wngarilem <item sacriste florenum Ungarilem item custodi chori i> florenum Vngarilem. item domino Iohanni Iacobi iuniori florenum vngarilem cuilibet uicario i solidum grossorum. item domino Benedicto priori monialium i nobilum. item cuilibet e<cclesiarum parrochialium Lundis i> marcam Lybicensem. item Tuloni Bøge ii marcas argenti. item Nicolao Kanuti aduocato nostro cratherem argenteum. item Cristiarno promo nostro i nobilum. item Iohanni H<enichini Ty>rgillo ⁴⁰ Petri et Arnesto cuilibet florenum Vngarilem. item Ierardo ⁴¹ Petri sororio nostro quinque bicaria argentea que pater suus dedit nobis. item Hinrico qui est in fisco nostro <xi>i marcas argenti cui eciam tenemur in xviii marcis argenti. item cuilibet presbitero parochiali Lundis i{-} ⁴² solidum grossorum. item Paulo Dyegn Borundeholmis ⁴³ equicium nostrum quod emimus a Twone Nicolai una cum anulo cum saphiro. item Iohanni Laghessun x marcas argenti cum anulo aureo et uxori sue annulum aureum. item Olauo Ienssun ⁴⁴ iiii^or nobilos cum annulo aureo et uxori sue annulum aureum. item domino Hartvico Lang i gradarium quem habuit Aosie item ymagini beate Marie uirginis in medio pauimenti ecclesie nostre Lundensis crucem nostram auream cum cathenis. item cuilibet castrensium in Hammershws iii marcas argenti. item cuilibet ministro parochiali Lundis vi grossos. item cuilibet pauperi mendicanti Lundis iiii^or grossos item domino Laurencio militi seruitori nostro i nigrum gradarium quem nobis dedit Paulus Dyegn et i nobilum. item domino Iohanni Nicolai i nobilum. item domino Hermanno i paruum librum decretalium item Mathie Andree i nobilum. item Cristiarno Kløf ⁴⁵ i nobilum. item Benedicto Thrugilli in fisco nostro i nobilum item Hinz Kok i florenum Vngarilem. item cuilibet ecclesie per Scaniam prius non nominate iiii^or grossos. ♦ Exsequtores testamenti huius et nostre ultime uoluntatis constituimus facimus et ordanimus infrascriptos uidelicet dominos Hinricum Ierardi ⁴⁶ et Thrugotum Haas milites Hermannum Ørz ⁴⁷ armigerum et dominos Iohannem Iacobi decanum et Petrum Dwe canonicum ecclesie nostre Lundensis. supplicantes instantissime ac eorum consciencias onerantes ut in premissis ita se exhibeant sicut in districti iudicii examine uoluerint et habeant respondere ♦ In cuius rei testimonium secretum nostrum una cum sigillis exequtorum nostrorum predictorum presentibus est appensum. ♦ Datum in curia Lundensi anno m^ocd^odecimo feria quinta proxima post Tyburti et Ualeriani martirum.

Istis tenemur ⁴⁸ Petro Knøkel in ⁴⁹ Gripswald
lxvii marcis Sundensibus
Item Eyler van der Mølæ iiii^or marcis argenti item i marca Sundensi cum xii albis
Item Thideke Hoppe l. marcis Sundensibus
Item Regnardo van Lutten xxiiii^or marcis Lybicensibus
Item Boo Hinzesun x marcis Lybicensibus
Item ecclesie sancti Lucii Roskildis. l marcis Lybicensibus