Uniuersis presentes litteras inspecturis uel audituris Petrus dei gracia. electus in archiepiscopum Lundensis ecclesie. eternam in domino salutem. ♦ Ex quo domini prepositus decanus totumque capitulum nostrum Lundense nobis in Christo dilectum nobis humiliter supplicarunt quatenus eorum priuilegia que a predecessoribus nostris hucusque habuisse dinoscuntur maxime in articulis infrascriptis graciose confirmare dignaremur. nos piis eorum precibus inclinati ac predecessorum nostrorum predictorum uestigiis inherere uolentes annuimus et consensu unanimi ipsius capituli nostri ordinamus perpetuis temporibus irrefragabiliter obseruandum. ♦ Primo quod cum aliquis prelatorum uel canonicorum de ipso capitulo diem clauserit extremum extunc ipsius exsecutor de capitulo exsistens una cum a<li>is exsecutoribus sui testamenti omnes et singulos fructus redditus et seruicia de suis dignitate et ¹ prebenda. necnon de mensa. si residens exstitit prouenientes seu proueniencia per annum <integrum a> die mortis sue computandum pro suis exequiis honori<fice faciendis et pro> debitis ipsius defuncti fideliter soluendis percipiat et ordinacionem meram in bonis omnibus et singulis dictorum beneficiorum <ten>eat ad terminum prenotatum ♦ Et si aliquid reddituum seu prouentum predictorum ultra legatorum et debitorum huiusmodi solucionem superfuerit ueris heredibus ipsius ² defuncti plenarie sine fraude qualibet assignetur saluis tamen exstimacionibus omnibus ³ beneficiorum predictorum. ♦ Item quod domini prelati et canonici Lundenses qui nunc sunt aut qui pro tempore fuerint et eorum uicarii in ecclesiis eorum ⁴ intitulatis seu prebendis aut dignitatibus suis annexis residentes a solucione cathedratici et ⁵ aliorum iurium et onerum archiepiscopalium omnium sint liberi exempti. ♦ Item. quod idem prelati et canonici Lundenses. iurisdicionem archiepiscopalem omnimodam ⁶ super uilicos. colonos et ⁷ inquilinos et familiam eorum in bonis ecclesiasticis siue mundanis ipsorum residentes habeant. ac decimam archiepiscopalem de annona alecibus et aliis quibusque per totam dyocesim libere leuent et integre percipiant ab eisdem. ♦ Item quod rebelles. contumaces et obstinatos ex ipsis familiis cum litteris ipsorum prelatorum et canonicorum propriis per censuram ecclesiasticam aggra<uacio>nis et diuorcii sentenciis ac aliis maioribus causis dumtaxat exceptis libere poterint cohercere ♦ Item quod dicti prelati et canonici Lundenses emendam super causis quadraginta marcharum et inferiorum cum banslæt ⁸ per totam dyocesim. et frithkøp ⁹ . de familia sua libere. poterint subleuare. ♦ Item quod familia predictorum prelatorum et canonicorum. in placito archiepiscopali incausata coram dominis suis respondeant et satisfaciant pro delictis. ♦ Item quod bona dictorum prelatorum et canonicorum communia et specialia in consimili libertate cum bonis nostris propriis conseruabimus iuxta posse ♦ Item quod dicti prelati et canonici in conducendis exactionibus pro equali pensione. omnibus aliis preferantur ♦ Item quod priuilegia canonicorum hucusque habita non infringamus sed ea. sub sigillo quo nunc utimur. et post confirmacionem nostram maiori sigillo nostro beniuole confirmemus ♦ Item quod in castris aduocatos ponamus secundum consilium capituli uel sanioris partis et non aliter. ♦ Item. quod ponamus officiales in curia Lundensi secundum consilium capituli. clericos et nullomodo laycos. ♦ Non solum autem premissos articulos uerum eciam omnia et singula priuilegia et gracias que et quas a quibuscumque predcessoribus nostris hactenus habuerant. cum omnibus et singulis articulis testamenti uenerabilis patris domini Nicolai dudum archiepiscopi. Lundensis. predictos prelatos canonicos et fabricam. ecclesie Lundensis. concernentibus tenore presencium confirmamus et seruare promitti<mus inco>ncusse.♦ In cuis rei testimonium sigillum nostrum una cum sigillo curie nostre Lundensis presentibus est <appensum ♦ Datum> Lundis. anno domini m^ocd^ox^{o 10} . die ascencionis. domini nostri Ihesu Christi.