Omnibus presens scriptum cernentibus Nicolaus Iønissun in Herløfæ armiger salutem in domino sempi ternam ♦ Nouerint uniuersi presentes et futuri quod recognosco me nobili uiro et honesto Thorstano Wensterman in Hauelse Maglæ armigero in quinque marchis argenti in denariis bonis et datiuis cum quibus mercator mercatori satisfacere potest teneri et eciam uerasciter obligatum pro quibus quidem quinque marchis argenti dicto Thorstano Wensterman et suis heredibus unam curiam in Mørkøwæ in parochia Glasaxæ in Støwens heret sitam ¹ cum omnibus suis pertinenciis videlicet agris pratis pascuis humidis et siccis nullis deceptis in qua quidem curia pronunc residet quidam dictus Krogh et de curia dabitur annuatim unum pund annone cum vi modiis in pignero per presentes ita quod idem Thorstanus Vensterman vel heredes sui liberam habeat seu habeant dictam curiam libere pro usibus suis ordinand<i> ² fructus et redditus de ipsa curia subleuandi donec predicte quinque marche argenti monete prescripte festo sancti Martini qui pro termino solusionis annuatim sit habendus per me uel per meos heredes fuerint persolute in sortem principalis debiti minime erit computandum ♦ Item tempore quo dictam curiam redimi contigerit extunc dictus ⁴ Nicolaus Iønissun dicto Thorstano uel heredibus suis in placito Støwens heret ante festum sancti Iohannis baptiste precauatur uel precauantur ♦ Item obligo me et heredes meos ad apropriandum et disbrigandum dicto Thorstano Wensterman et heredibus suis dictam curiam secundum leges terre ab inpeticione quorumcunque ♦ Item si sepedictus Thorstanus Vensterman et heredes sui pro sepedicta curia mee appropriacionis aliquem dampnum incurrerit uel incurrerint extunc indempnem et indempnes cupio penitus conseruare ipse ♦ Cuius in rei testimonium sigillum meum una cum sigillis uirorum discretorum uidelicet [.....] Iacobi et domini Alberti Nicolai presbiteri presentibus scriptis appens<um> ⁵ ♦ Datum anno m^ocd^ox^o die sancti Bothulfy confessoris.