Petrus miseratione diuina Præmonstratensis abbas uenerabili nobis in Christo fratri abbati de Bæchiaschogh nostri Præmonstratensis ordinis salutem et piæ paternitatis affectum ♦ Ut aliquem confessorem ydoneum eligere qui uos a peccatis sibi confessis possit absoluere et aliquem prælatum nostræ religionis in literatura competentem habere recursum qui uobiscum super irregularitate si quam quod absit contraxeritis in casibus duntaxat nobis permissis possit dispensare utque subditos uestros a sententiis excommunicationis absoluere et cum ipsis super irregularitate si quam contraxerint quod absit in casibus duntaxat eciam nobis permissis dispensare ualeatis presentium per tenorem uobis concedimus facultatem præsentibus post septennium minime ualituris ♦ Datum sub sigillo nostro anno domini millesimo quadringentesimo undecimo tertia die mensis Iulii.