Omnibus presens scriptum cernentibus Andreas Trugilli armiger de. uilla Diræborch parochiæ Brædewath in Løghærit salutem in domino ♦ Nouerint uniuersi presentes et futuri me ex consilio amicorum meorum uiris religiosis. et honestis dominis abbati et conuentui Løgum closter omnia bona mea in uilla et campo Alsleff parochiæ Høghstæthe sita uidelicet unum fundum cum omni iure suo et pertinentiis eiusdem uniuersis realiter uendidisse et. ad manus assignasse ea conditione quod ipsi domini abbas et conuentus quibus exnunc plenam concedo meam potestatem ad hunc ipsum fundum cum attinentiis suis ab heredibus domini Esberni Tagheson militis felicis memorie cui dudum predictum fundum pro decem et octo marchis Lubecensibus impignoraui prefatam pecuniam soluturi ♦ Et insuper omne quod iuris mei uel parentum meorum in ipso fundo et ipsius possessione ¹ fuerat ab antiquo ipsi monasterio et fratribus ibidem deo seruientibus do libere et assigno ut ipsi pro anima mea et omnium animabus qui sunt de mea parentela iugiter deum intercedant. ♦ Datum meo sub sigillo una cum sigillis discretorum uirorum uidelicet. domini Andree Falster sacerdotis in Wiisby officialis domini episcopi Ripensis Esgeri Nicolai aduocati in Trøyborch et Iacobi Nicholai armigeri de Gierdrup presentibus appensis anno domini mcdxii dominica qua cantatur Quasi modo geniti.