Archiepiscopis et episcopis ac dilectis filiis ceteris ecclesiarum prelatis per regnum Anglie constitutis ♦ Terram sanctam quam unigenitus dei filius dominus Ihesus Christus in proprium sui patrimonium et hereditatem elegit / conspicientes feritate diuersorum infidelium immaniter lacerari / uias et modos desideranter exquirimus / quibus eidem terre possint opportuna presidia nostro ministerio provenire. ♦ Quare de uenerabili fratre nostro Waltero Wigorniensi episcopo, quem dei timorem habere credimus et amorem / quique multiplicibus donis uirtutum preditus utiliter scit et ualet ubi labores impendit plenam in domino fiduciam obtinentes predicationem crucis pro dicte terre subsidio in regno Anglie sibi per nostras litteras sub certa forma duximus committendam / cupientes ut negotium ipsum in manibus eius eo plenius diuina clementia faciente proficiat / quo magis insidet cordi nostro / et quo maiorem necessitatem ad presens eidem terre novimus imminere ♦ Itaque uniuersitatem uestram rogamus / et hortamur / attente uobis nichilominus in remissionem peccaminum iniungentes. quot prefato episcopo et aliis quos in hac ipse cooperatores elegerit circa ipsius negotii prosecutionem feruenter assistere studeatis / habentes ipsum episcopum immo potius nos in ipso tamquam nobis intimum in eiusdem prosecutionem fauorabiliter commendatum in domino . ita quod deuotionem uestram commendare cum gratiarum actionibus merito ualeamus / ac nichilominus exinde diuine retributionis uobis proueniat incrementum. ♦ Datum apud Urbem Ueterem iiii. iulii idibus anno secundo.

In eo modo archiepiscopis et episcopis ac ceteris ecclesiarum prelatis per regna .. illustris regis Castelle constitutis. ♦ Terram sanctam etcetera. ♦ Quare de uenerabili fratre nostro archiepiscopo Compostellansi / etcetera usque subsidio in regnis .. illustris regis Castelle etcetera usque incrementum. ♦ Datum ut in superiori.

In eo modo archiepiscopis ut in priori usque per regnum Portugalie contis. ♦ Terram sanctam etcetera usque quare de venerabili fratre nostro .. archiepiscopo Bracharensi etcetera usque subsidio in regno Portugalie etcetera usque incrementum. ♦ Datum ut supra.

In eo modo archiepiscopis etcetera usque per Daciam constitutis. ♦ Terram sanctam etcetera usque quare de uenerabili fratre nostro arusiensi episcopo etcetera usque subsidio in Dacia usque incrementum. ♦ Datum ut in prima