Uniuersis sancte matris ecclesie filiis ad quos presentes littere peruenerint nos miseratione diuina Esgerus lundensis Rostagnus neopatensis Matheus duracensis et Nicolaus atridensis archiepiscopi Andreas croensis Zacharias suacinensis Guilhelmus puteolansis Guilhelmus ad partes tartarum Egidius adrinopolensis Guido astensis Petrus narniensis et Franciscus gaietans episcopi salutem in domino sempiternam ♦ Splendor paterne glorie qui sua mundum ineffabili illuminat claritate pia uota fidelium in sua clementissima maiestate sperancium tunc precipue benigno fauore prosequitur cum ipsorum deuota humilitas sanctorum meritis et precibus adiuuatur. ♦ Cupientes igitur ut ecclesia parochialis sanctorum Nicholai et Georgii de Lympurg Treuerensis diocesis congruis honoribus frequentetur et a christifidelibus energiter ueneretur . omnibus uere penitentibus et confessis qui ad ipsam ecclesiam in festiuitatibus infrascriptis uidelicet sanctorum Nicolaii Georgii natalis domini circumcisionis epiphanie ramis palmarum parasceues resurrectionis ascensionis pentecostes corporis Christi sancti Iohannis baptiste apostolorum Petri et Pauli omniumque aliorum apostolorum euanglistarum omnium sanctorum sancte crucis assumptionis natiuitatis purificationis et annunciationis beate Marie semper uirginis sanctorum Laurentii Uincentii Martini Stephanii Ieronimi Gregorii Augustini aliorumque martirum et confessorum sanctarum Margarete Katerine Marie Magdalene Agathe Anne Agnetis undecim millium uirginum aliarumque omnium uirginum et uiduarum ac in omnibus et singulis diebus dominicis quadragesime et in dedicatione eiusdem ecclesie et per octauam earundem festiuitatum causa deuotionis orationis aut peregrinationis acceserint . necnon qui ad fabricam luminaria ornamenta seu queuis alia dicte ecclesie necessaria manus porrexerint adiutrices aut qui in eorum testamentis uel extra aurum argentum uestimenta seu aliqua alia caritatiua subsidia dicte ecclesie et eius campanilis legauerint donauerint seu procurauerint aut qui corpus Christi uel oleum sacrum cum infirmis po[rten]tur secuti fuerint aut qui in serotina pulsatione campanile flexis genibus ter aue Maria dixerint . et qui cimiterium eiusdem ecclesie circumiuerint et pro animabus omnium inibi in Christo requiescentium et omnium fidelium defunctorum orationem dominicam cum salutatione angelica pia mente et deuota dixerint quotienscumque premissa uel aliquid premissorum deuote fecerint de omnipotentis dei misericordia et beatrorum Petri et Pauli apostolorum eius auctoritate confisi . singuli nostrum quadraginta dies indulgentiarum de iniunctis eis penitentiis misericorditer in domino relaxamus dummodo diocesanis uoluntas ad id acceserit et consensus . ♦ In eius rei testimonium presentes litteras sigillorum nostrorum fecimus appensione muniri . ♦ Datum Auinione xvii. die mensis maii anno domini m^o. ccc^o. quarto pontificatus domini Iohannis pape xxii. anno.