Esger, ærkebiskop af Lund, samt 1 ærkebiskop og 3 bisper tildeler alle, der besøger Sankt Barbaras alter i klostret Georgenberg vor Frankenberg fritagelse for 40 dages kirkebod. A: Marburg Staatsarchiv A II Urk. Kloster Georgenberg. Perg.1: Esgers segl i rødt voks. 2: udenlandsk. 3: perg. rem.4-5: udenlandske.
Registreret: Klosterarchive. Regesten og Urkunden III 130 nr. 400
(=Veröffentlichungen d. Hist. Komm. für Hessen und Waldeck IX, 3
(1961)).
Uniuersis sancte matris ecclesie filiis ad quos presentes littere peruenerint ♦ Nos miseratione diuina Esgerus archiepiscopus
londensis Suecie primas et Matheus archiepiscopus duracensis Raimundus episcopus sarlatensis
1
Zacharias episcopus sveciensis Egidius episcopus andrianopolensis salutem in domino sempiternam ♦ Splendor paterne
glorie qui sua mundum ineffabili illuminat claritate pia uota fidelium in sua clementissima maiestate sperancium tunc precipue benigno favore
prosequitur dum ipsorum deuota humilitas sanctorum suorum ueniam et gaudia<m> consequi mereatur eterna<m>
2
♦ Cupientes igitur ut altare sancte Barbare in cenobio montis sancti Georgii extra muros Frankenberg Maguntine diocesis
congruis honoribus frequentetur et a Christi fidelibus iugiter ueneretur / Omnibus uere penitentibus et confessis qui ad dictum altare in festis ipsius
sancte Barbare in dedicatione altaris necnon in omnibus et singulis festiuitatibus natiuitatis
3
domini nostri Ihesu Christi uidelicet circumcisionis / epiphanie / palmarum / in cena domini / parasceues / resurrectionis / ascensionis /
penthecostes / omnibus diebus dominicis inuentionis et exaltationis sancte crucis et in die corporis Christi ac in omnibus et singulis festiuitatibus
gloriose semper uirginis Marie Michaelis archangeli Iohannis baptiste sanctorum Stephani Laurentii Dionysii Georgii martirum decem milium
militum
4
beatorum Martini Nycholaii Antonii Benedicti confessorum sanctarum Marie Magdalene Katharine Agnetis Margarete Lucie
Cecilie uirginum undecim milium uirginum et in die beate Elyzabet ac Anne necnon in die omnium sanctorum ac in commemoratione omnium animarum aut in omnibus et singulis diebus quadrasesime et per aduentum domini et per octauas predictarum festiuitatum octauas / habentium causa deuotionis peregrinationis uel orationis accesserint seu qui in extremis laborantes dicto altare quicquam suarum legauerint facultatum / necnon qui in serotina pulsatione campane flexis genibus ter aue Maria deuote dixerint / et qui cymiterium dicti cenobii montis sancti Georgii circuerint pro animabus ibidem sepultorum ac omnium fidelium defunctorum orationem dominicam cum salutatione angelica pia mente dixerint aut qui ad fabricam luminaria ornamenta et alia necessaria sacerdotis et altaris manus suas porrexerint adiutrices aut qui infra missam dum nominatur nomen domini Ihesu Christi et gloriosum nomen beate Marie uirginis capita sua inclinauerint uel genua flexerint saltem cordis . de omnipotentis dei misericordia et beatorum Petri et Pauli apostolorum eius auctoritate confisi singuli nostrum singulas dierum quadragenas de iniunctis eis penitentiis misericorditer in domino relaxamus . dummodo loci diocesani uoluntas ad id accesserit et consensus ♦ In quorum omnium testimonium presentes litteras sigillorum nostrorum iussimus appensione muniri. ♦ Datum Auinione apud sedem apostolicam anno domini millesimo ccco uicessimo mense
5
novembris pontificatus domini Iohannis pape xxii anno quinto \
1. Raimundus episcopus sarlatensis] tilføjet med andet blæk, læsning usikker. 2. gaudia<m> consequi mereatur eterna<m>] gaudia consequi mereantur eterna A. 3. natiuitatis] natiuitatibus A. 4. militum] martirum A. 5. mense] efterfulgt af et understreget septembris — COPYRIGHT 2002, DET DANSKE SPROG- OG LITTERATURSELSKAB |