Nos . Guntherus . Ulricus . Adolphus et Brisso dei gratia comites in Lyndow promittimus fidetenus in hiis scriptis / quod super placitis habitis cum inclitis principibus . dominis Friderico marchione misensi necnon Bertoldo comite de Hennenbergh et super eorum litteris nobis datis / ad ciues ciuitatum et uasallos terrarum . Batenow . Brisak . Borstenbergh pro omagio nobis faciendo / et etiam super litteris suis confectis super tribus milibus marcarum brandenburgensium a nobis percipiendarum ab sereno uiro domino rege danorum / et etiam super litteris eorum nobis datis ad illustrem principem dominum nostrum marchionem de Brandenburg predictos dominos debemus numquam monere / renuntiantes tenore presentium omni actioni . si que nobis . aut nostris heredibus . competere possit nunc aut in futurum causa in predicta / ♦ Datum sub nostro sigillo Ghunteri comitis tantum uice et nomine nostrorum omnium presentibus appenso / in ciuitate Yleborch / anno domini m.^occc.^oxx^ovii^o . in festo beate Walburghis . presentibus nobilibus . dominis . Guntero comite de Swartzbergh / comite Frederico de Trondinghen . comite Gunthero de Keuernbergh / Hinrico aduocato de Plawe / et aliis pluribus familiaribus domini marchionis misensis supradicti.