Honorabilibus uiris amicis suis dominis.. consulibus ciuitatis lubicensis.. consules ripenses seruitium in affectum. ♦ Noueritis quod illius dimidie domus in uestra ciuitate in platea piscium site quam Pilgrinus Henningi et soror eius Hilla Hermanni Langhsuter quondam nostri conciuis relicta tamquam ueri et proximi heredes Alkamene quondam uxoris Hennekini Redegheld Hildebrandi filii / materna hereditate apud uos iure consecuti sunt. ad aspectum etiam nostre patentis littere quam uobis misimus super illo / uenditionem qua eandem dimidiam domum Iohanni de Wickene ciui uestro uendiderunt. et sibi ipsa Hilla cum prouisore suo coram uobis ad hoc electo et frater suus predictus Pilgrinus resignauerunt approbantes et ratificare uolentes. ipse Pilgrinus eandem cum uxore sua et personis suis omnibus coram nobis tamquam uobis denuo resignauit sicut uestri exigit iuris ordo. ♦ Quod presentibus protestamur rogantes ut eandem dimidiam domum predicto Iohanni de Wickene approbari et asscribi protinus iubeatis. ♦ In huius rei testimonium sigillum nostrum presentibus duximus apponendum ♦ Datum anno domini m^o.ccc^o. quinquagesimo tertio Egidi abbatis sancti die.