Omnibus presens scriptum cernentibus Waldemarus dei gratia danorum sclauorumque rex . salutem in domino . ♦ Recognoscimus per presentes . publice protestando quod discreti uiri consules et uniuersitas ciuium ciuitatis lybycensis annuum censum . uidelicet sexcentas libras denariorum monete lubycensis usualis annuatim romano imperio debitum . per serenissimum dominum nostrum dominum Karolum romanorum et Bohemie regem . nobis deputatum . super festo natiuitatis domine nostre beate uirginis proxime nunc elapso soluendum plene nobis ad uota nostra et integraliter persoluerunt . quapropter ipsos consules . et ciues omnes . ac ciuitatem lubycensem de prefato censu nobis sicut premittitur exsoluto . quitos profitemur et dicimus absolutos . ♦ In cuius rei testimonium . sigillum nostrum presentibus est appensum . Datum anno domini m^o ccc^o l^o tertio crastino beate uirginis natiuitatis supradicte.