Omnibus hanc paginam inspecturis . ♦ Nos Eghardus de Crummesse miles . ac Walterus de Hombergh famulus salutem in domino. ♦ Recognoscimus per presentes quod nomine et ex parte magnifici domini nostri . domini Waldemari danorum sclauorumque regis . mille et octingenta pund denariorum lubicensis monete usualis . ab honorabilibus uiris dominis .. consulibus lubicensibus / percepimus quas pretextu census imperialis . per serenissimum dominum Karolum romanorum et Bohemie regem . ipsi domino nostro regi Dacie / assignati . de triennio uidelicet anno domini m^o ccc^o l secundo et anno domini m^o ccc^o l tertio . et anno domini m^o ccc^o l quarto / fecerunt nobis in aureis lubicensibus integraliter presentari ♦ In cuius rei testimonium . sigilla nostra presentibus sunt appensa ♦ Actum et datum Lubeke anno domini m^o ccc^o quinquagesimo quarto prenotato. In die beati Marci ewangeliste.