Waldemarus dei gratia danorum sclauorumque rex . omnibus presens scriptum cernentibus salutem in domino .♦ Recognoscimus per presentes publice protestando . quod discreti uiri consules . et uniuersitas . ciuium ciuitatis lubycensis . annuum censum uidelicet sexcentas libras denariorum monete lubicensis usualis annuatim romano imperio debitum per serenissimum dominum nostrum dominum Karolum romanorum et Bohemie regem nobis deputatum . super festo natiuitatis domine nostre beate Marie uirginis . proxime nunc elapso soluendum . plene nobis ad uota nostra et integraliter persoluerunt . quapropter ipsos consules et omnes ciues . ac ciuitatem lubycensem . de prefato censu nobis sicut premittitur exsoluto quitos profitemur et dicimus absolutos ♦ In cuius rei testimonium . sigillum nostrum presentibus est appensum ♦ Datum anno domini m^o ccc^o quinquagesimo quarto . die natiuitatis domine nostre (sic!) predicto.