Precedente
Prossimo

136

1403. 29. juni

Erik Tordsøn, prior i Kastelle kloster, og konventet sammesteds lover hr. Bent Esbernsen, abbed i Æbelholt kloster, tilbørlig lydighed.

A: tabt — Aa: Æbelholtbogen f. 63r med overskrift Littera super Castell.

Tryk: SRD. VI 176; Dipl. Norv. XVI 43 nr. 45, herefter Svenskt Dipl. IV 118 nr. 2975; Norges gl. Love 2. rk. I 377 nr. 191 - Reg. Dan. nr. 3114.

Tekst efter Aa:
Uniuersis sacrosancte matris ecclesie filiis Ericus Torthsøn prior ordinis sancti Augustini in Castellæ Noruegie totusque conuentus ibidem salutem et perpetuam dileccionem in Christo Ihesu ♦ Approbante scriptura nato saluatore mundi Nouit bos et asinus suum creatorem a ♦ Ex quo irracionabiles creature tante discrecionis fuere nos deo omnipotenti et omnibus sanctis uenerabilique patri domino Benedicto Esberni abbati in Paraclito sanctorum Thome et Willelmi Ebbleholt uotum obediencie perpetuis temporibus duraturum promittimus ♦ Nobis igitur conuenit apostolus Petrus in epistola sua dicens Eratis sicut oues errantes set conuersi estis nunc ad pastorem et episcopum animarum uestrarum b ♦ Eramus aliquando tenebre nunc autem lux in domino c quia uiro approbato iam nostri ordinis abbati plenariam super claustrum nostrum et omnia bona claustri supradicti potenciam resignamus ipse enim uita fama multorumque testimonio bonorum clarus ex canonica regula sancti Augustini in abbatem est nobis aduolutus\ lux igitur sub modio posita d iam latere non potest nec ciuitas super montem abscondi e quia conuentus noster predecessorum nostrorum testimonio abbati in Ebbleholt annexus et obediens esse promulgatur ♦ Exquo solum non sufficit uotum omnibus religionis et fraternitatis operibus prosequamur dicente psalmista Uouete et reddite f ipsi quoque domino abbati qui uerus pacis et conseruator noster et nostrorum est omnibusque successoribus suis perpetuam obedienciam promittimus cum effectu prohibentes omnibus nostri ordini<s> 1 conuentualibus ne quis in prioratum nostrum sine consensu deliberato dicti abbatis nostri Benedicti et capituli Ebbleholt se audeat intr<o>ducere 2 quod si contingerit dicti prioratus eleccio irrita fiet et inanis ♦ Ecce quam bonum et quam iocundum 3 habitare fratres in unum g dum capiti suo cuncta corporis membra inclinant et ministrant nostraque ecclesia capitulo sanctorum Thome et Willelmi in Ebbleholt filialem reuerenciam cum obediencia promittit sigillata ut fiet unum ouile et unus pastor h et duos conuentus unio dileccionis fraterne coniungit quasi lapis angularis binas parietes constringit ♦ Translati sumus de morte ad uitam i unde apostolus Paulus nos secum consolatur dicens Nostra conuersatio in celis est j ♦ In quorum omnium testimonium euidens et cautelam firmiorem sigillum meum una cum sigillo nostri conuentus presentibus duximus appendendum ♦ Datum anno domini mo cdo iiio in die Petri et Pauli beatorum apostolorum\


1. ordini<s>] ordinibus Aa. 2. intr<o>ducere] intruducere Aa. 3. iocundum = iucundum.

a: cf. Isai 1,3. b: 1. Petri 2,25. c: cf. Ephes. 5,8 d: cf. Matth. 5,15. e: Matth. 5,14. f: Psalm. 75,12. g: Psalm. 132,1. h: Ioan. 10,16. i: 1. Ioan. 3,14. j: Philip. 3,20.

— COPYRIGHT 2009, Società della Lingua e Letteratura danese