Dilecto filio Nicolao Zirich alias dicto de Ymbria clerico bremensis diocesis salutem etcetera. ♦ Meritis tue probitatis super quibus apud nos fidedignorum testimonio laudabiliter commendaris inducimus ut personam tuam speciali beneuolentia prosequentes tibi redundantiam ad gratiam liberales uolentes itaque tibi premissorum meritorum tuorum intuitu gratiam facere specialem beneficium ecclesiasticum cum cura uel sine cura cuius fructus reditus et prouentus si cum cura quadraginta si uero sine cura fuerit triginta marcarum argenti secundum decime taxationem ualorem annuum non excedant spectans communiter uel diuisim ad collationem prouisionem seu quamuis aliam dispositionem uenerabilis fratris nostri archiepiscopi Bremensis et dilectorum filiorum.. prepositi.. decani capituli et singulorum canonicorum ecclesie Bremensis si quod in ciuitate uel diocesi bremensi uacat ad presens uel cum uacauerit quod tu per te uel procuratorem tuum ad hoc legitime constitutum infra unius mensis spatium postquam tibi uel eidem procuratori uacatio illius innotuerit duxeris acceptandum conferendum tibi post acceptationem eandem cum omnibus iuribus et pertinentiis suis donationi apostolice reseruamus districtius inhibentes eisdem archiepiscopo preposito decano capitulo et singularibus canonicis ne de beneficio predicto interim etiam ante acceptationem predictam nisi postquam eis constituerit quod tu uel procurator predictus illud nolueritis acceptare disponere quo quomodo presumant ac decernentes exnunc irritum et inane si secus super hiis a quoquam quauis auctoritate scienter uel ignoranter contigerit attemptari non obstantibus si aliqui super prouisionibus sibi faciendis de huiusmodi uel aliis beneficiis ecclesiasticis in illis partibus speciales uel generales apostolice sedis uel legatorum eius litteras impetrauerint etiam si per eas ad inhibitionem reseruationis et decreti uel aliud quomodolibet sit processum quibus omnibus preterquam auctoritate nostra huiusmodi beneficia expectantibus te in ipsius benficii assecutione uolumus anteferri set nullum per hoc eis quo ad assecutionem aliorum benficiorum preiudicium generari aut si archiepiscopo decano preposito et capitulo et canonicis supradictis uel quibusuis aliis communiter uel diuisim ab eadem sit sede indultum quod ad receptionem uel prouisionem alicuius minime teneantur et ad id compelli non possint quodque de huiusmodi uel aliis beneficiis ecclesiasticis ad eorum collationem prouisionem presentationem seu quamuis aliam dispositionem communiter uel separatim spectantibus nulli ualeat prouidi per litteras apostolicas non facientes plenam et expressam et de uerbo ad uerbum de indulgentia huiusmodi mentionem et quali alia dicte sedis indulgentia generalis uel specialis cuiuscunque tenoris existat per quam presentibus non expressam uel totalem non insertam effectus huiusmodi nostre gratie impediri ualeat quomodolibet uel diferri et de qua cuiusque toto tenore habenda sit in nostris litteris mentio specialis seu quod beneficium ecclesiasticum cum cura uel sine cura ¹ spectans ad collationem uel presentationem dilecti fili .. prepositi ecclesie Razeburgensis per nostras litteras sub ea forma secundum quam pro pauperibus clericis beneficiandis tunc scripsimus nosceris expectare ♦ Uolumus autem quod predicte littere et processus habiti per easdem et quecunque inde secuta etiam postquam per presentes litteras canonicatum et prebendam predictos beneficium predictum ² fueris pacifice assecutus aliquatenus non exspirent sed in plena remaneant roboris firmitate felicis recordationis Bonifacii pape viii predecessoris nostri et qualibet alia constitutione contraria non obstante ita tamen quod postquam uigore presentis gratie beneficium cum cura fueris pacifice assecutus predicte littere quo ad beneficium curatum sint casse et irrite ac nullius roboris uel momenti / eis tamen quo ad beneficium non curatum in suo robore duraturis ♦ Nulli ergo etcetera nostre reseruationis inhibitionem constitutionis et uoluntatis infringere etcetera ♦ Datum apud Uillanovam Auinionensis diocesis xv kalendas aprilis anno secundo ♦ In eo modo uenerabili fratri.. ³ episcopo auinioensis et dilecto filio preposito sleswicensi ac Iohanni de Pistoriis canonico Beluacensium ecclesiarum salutem etcetera ♦ Meritis probitatis citra usque duraturis quocirca mandamus quatinus uos uel duo aut unus uestrum per uos uel alium seu alios huiusmodi beneficium per nos ut premittitur reseruatum si tempore huiusmodi nostre reseruationis in dictis ciuitate et diocesi uacabat uel postea uacauit ibidem uel quamprimum illud inibi uacare contigerit eidem Nicolao post acceptationem huiusmodi cum omnibus iuribus et pertinentiis suis auctoritate apostolica conferre et assignare curetis inducentes eum uel procuratorem suum eius nomine in corporalem possessionem beneficii ac iurium et pertinentiarum predictorum et defendentes inductum ac facientes ipsum uel dictum procuratorem pro eo ad huiusmodi beneficium si in dicta ecclesia fuerit ⁴ ut est moris admitti sibique de ipsius beneficii fructibus reditibus prouentibus iuribus et obuentibus uniuersis integre responderi non obstantibus omnibus supradictis seu si archiepiscopo preposito decano capitulo et canonicis supradictis uel quibusuis aliis communiter uel diuisim a predicta sit sede indultum quod interdici suspendi uel excommunicari non possint per litteras apostolicas non facientes plenam et expressam ac de uerbo ad uerbum de indulgentia huiusmodi mentionem. contradictores auctoritate nostra etcetera ♦ Datum ut supra.