In nomine domini amen ♦ Ego Iacobus Cruse cupiens sanctorum lumina uisitare peregrinando sanus corpore compos mentis et saluti anime mee. uolens proinde testamentum meum ordino in hunc modum ♦ In primo do ad structuram beati Nicolai .x. marcas ♦ Item do ad structuram beate Marie uirginis .v. marcas . item do ad structuram beati Iacobi apostoli .v. marcas . item do ad structuram Sancti Spiritus .v. marcas . item do pauperibus ibidem ad lectisternios comparandos .iii. marcas . item do ad structuram beate Gertrudis ii marcas . item do ad structuram fratribus predicatorum .v. marcas ♦ item do ad structuram fratribus minoribus v . marcas . item do ad structuram beati Georgii .v. marcas. item do exulibus leprosis ibidem iii marcas. item do fratribus in Tanklim . ii . marcas. item do ad structuram domus bagintarum .iii. marcas. item do pauperibus dictis wilghearmen ii marcas ♦ Item uolo quod prouisores mei dare debeant .lxxx^a. marcas sundensium denariorum pro calciis et uestibus pauperibus tribuendis ♦ Item do Ghreten uxori Petri Fabri mee matertere tunicam et togam de blauio panno dicto ualentines. item do Iohanni Crusen patruo meo .v. marcas in uestimentis sibi pro necessariis suis tribuendis. item do Iohanni filio. fratris mei in Helsingheborch .x. marcas sub tali conditione. si prius moriatur antequam ad annos etatis peruenerit. tunc super meos heredes reuertentur ♦ item do Nicolao patruo meo sextam partem coggonis quem ducit Iohannes Plotze meus auunculus et ad hoc sibi assigno .l. marcas sundensium denariorum .. quas pater meus ipsi. in suo testamento assignauit ♦ Item alia omnia bona mea mobilia uel in mobilia totaliter do et assigno. Cristine uxori mee dilecte et filie mee dilecte eiusdem nominis ♦ Uolo ut omnia superius scripta firmam uim habeant et uigorem donec ea uniuersa uoce duxero reuocanda. ♦ Huius testamenti mei eligo testamentarios et prouisores dominos Arnoldum Goldenstede proconsulem Richardum et Hinricum dictos Zancebur fratres . Henricum Stenhagen . Iohannem et Tidericum dictos Parui et Meynardum . Voghedestorp meum awunculum. ♦ Datum et actum Sundis. anno domini millesimo ccc^o quinquagesimo sabbato post apostolorum Petri et Pauli ♦ Inter auditores huius testamenti sunt dominus Iacobus Scheyle et dominus Henricus Crudener consules sundenses ¹