Den ersamen v{oe}rsichtigen heren . borgermesteren unde raadluden tho Revele, kome desse breff mit werdicheet ♦
Unsen vruntliken grote myd wunsche alles heyles <tovoren>[1] Jn gode ♦
Eersame leve unde besunderyge[2] gude vrunde ♦
Wj kundigen iuwer vorsichtigen leve to wetende, dat wj nw vorsammeld weren hyr to Upsala myd den mesta[3] deelen unses rikes vriegeboren mannen . koopsteden unde van der ganczen gemeenycheet van Sweden, unde hebben {oe}vergewogen de degedynge, alse begreepen was to Halmstede tuschen koning Erik unde uns unde deme rike to Sweden / unde syn so mid eendracht voreenet[4] / alse m{oe}ge wy genyten unse bescrevene recht unde unse olde privilegia Jn allerhande maate, so wyllen wy fulboorden de vorbenomede degedynge / ♦
Weret ok so, alse got vorbede, dat de vorbenomede koning Erik wyl sik[5] anders bewijsen, als wii uns <genoch>[6] bevr{ue}chten beyde[7] dorch den wyllen, dat de to Stocholm hebben gebuwet de stat tor were[8] , desseme rike to ungemake, schade unde vordreete[9] / Ock umme den w[illen dat] koning Erik reedet[10] sik to komende mid grooter macht / to me Stocholme uppe den vorbegrepennen dag[11] Sunte Olaffs[12] / ♦
Dar umme bydde wj Jw, leven heren, gude vrunde[13] , vreesche[14] gy, dat uns[15] sch{ue}t jennyge {oe}vergewalt[16] efte unrecht van deme vorbenomeden k{oe}nynge / dat gij wyllen uns[17] komen to trooste unde to hulpe / unde latet uns nycht underweegen . wente wy syn alle tiid rechtes {oe}verb{oe}dyge / ♦
Unde syn des {oe}ver eens geworden, dat wj willen myd godes hulpe unde Sunte Eriks weeren uns / tegen unrecht[18] / ♦
Item alle, de van dudzsche lande unde Juwen[19] wyllen segellen mid koopenscap / hir to Sweeden Jn allen steden[20] , dar sweedische manne raaden . so syn de uns / <unde> gode wyllekome[21] / unde de sollen[22] wesen t{oe}lle unde beswerynge vrie unde qwiite[23] ♦
Item so bidde wy ok juwe leve / ersame leve vrunde[24] / <to> kundigen desse vorbenomede article[25] <voert>[26] Juwen vrunden unde unsen, den heren unde Jn allen juwen lifflandyschen steden[27] ♦
Dar mede sij Gode almechtich juwe[28] ersame vorsichticheet salich unde gesunt[29] <bevolen>[30] to langen tiiden ♦
Gescreven to Upsale[31] anme veftendage[32] to pinxten Jnme xxxvten jare, under Secrete werdiger[33] vedre Jn gode unde heren . hern Olave van godes gnaden erczebiscoppe to Upsala , hern Thomas biscop to Strengnes , hern Niclis Gøtzstaffens riddere unde Engelbrecht Engelbrechtzsson , van unser aller wegen, der wj nw bruken to dessen tiiden[34] ♦
Erczebiscop, Biscoppe, Riddere unde Knechte, Rikes raad to Sweeden ♦
I perioden frem til 30. juni 2021 vil redaktionen udelukkende udarbejde tekster.